Atyrau qalasynda jastar men şyǧarmaşyl qauymǧa arnalǧan ATYRAU CREATIVE HUB öz jūmysyn bastady. Ortalyqtyŋ aşyluyna orai Atyrau oblysynyŋ äkımı Serık Şäpkenov habqa arnaiy baryp, onyŋ jūmysymen tanysty.
Jaŋa ortalyq öŋırdegı kreativ industriiany damytuǧa, jas talanttardyŋ äleuetın arttyruǧa jäne zamanaui ideialardy jüzege asyruǧa baǧyttalǧan.
Hab ökılı Däuren Seiıtqalievtyŋ aituynşa, mūnda media, dizain, IT jäne käsıpkerlık baǧyttary boiynşa jūmystar jürgızıledı. Qatysuşylar öz jobalaryn ūsynyp, käsıbi mamandardan keŋes alyp, türlı şeberlık saǧattary men oqytu treningterıne qatysa alady.
Erkın formatta ötken kezdesude Qazaqstan Respublikasy Mädeniet jäne aqparat ministrlıgı Kreativtı industriialar departamentınıŋ direktory Aigerım Jonkina būl bastama Memleket basşysynyŋ tapsyrmasyna säikes jüzege asyrylyp jatqanyn atap öttı. Onyŋ aituynşa, bügınde elımızdıŋ 20 öŋırınde osyndai kreativ habtar aşylyp, jūmysyn bastap ülgergen. Endı būl qatarǧa Atyrau qalasy da qosylyp otyr.
Mamandardyŋ pıkırınşe, kreativ hab şyǧarmaşyl jastardyŋ jobalaryn damytuǧa, olardy kommersiialandyruǧa jäne keŋ auditoriiaǧa tanytuǧa mümkındık beredı. Sonymen qatar, būl alaŋ startap bastamalardy qoldauǧa jäne jaŋa ideialardyŋ ıske asuyna jol aşady.
Jaŋa ortalyq jastardyŋ belsendılıgın arttyryp, öŋırdıŋ şyǧarmaşylyq jäne käsıpkerlık äleuetın damytuǧa serpın beredı dep kütılude.
