Biyl Atyrauda Nauryz Digital Nauryz formatynda toilanuda. Ūlttyq dästür men zamanaui tehnologiialardy toǧystyrǧan mereke sifrlandyru jylyna qoiylǧan maqsat-müddelerdı de bırıktırıp otyr. İsatai men Mahambet atyndaǧy alaŋda üş taqyrypta kiız üi tıgılıp, qonaqtar bıregei sifrlyq täjıribelermen tanysty.
Mysaly, merekege kelgender arnaiy sifrlyq kiız üide ornatylǧan jasandy intellekt kömegımen ata-babalardyŋ aq batasyn alyp, bır sätke olardyŋ asqaq ruhy men aibynyn sezıne aldy.
Kelesı kiız üide qonaqtar qazaqtyŋ ūlttyq kiımderın virtualdy türde kiıp köruge mümkındık aldy. Al üşınşı kiız üide elımızdıŋ mädenietı, dästürlerı men jetıstıkterı jönınde beinerolikter körsetıldı.
Būǧan qosa, alaŋda alty interaktivtı panel ornatylyp, jūrtşylyq sifrlyq jobalar men innovasiialyq şeşımder jönınde aqparat aldy. Sondai-aq körermender “Alaqan” jobasymen tanysyp, “Robottar şaiqasy” şouyn tamaşalady.
Is-şaranyŋ taǧy bır erekşelıgı – jasandy intellekt tehnologiialary arqyly jasalǧan virtualdy jürgızuşıler boldy.
