Atyraý oblysy Qurmanǵazy aýdandyq máslıhatynyń depýtaty Berjan Kenjebaevtyń 63 jasqa tolýyna oraı jerlesteri túrli qurmet kórsetken. Sonyń biri - atqa týdy jabyn retinde jaýyp, tartý etýi áleýmettik jelide qyzý pikirtalas týdyrdy. Bul týraly Facebook jelisinde Erjan Tólek esimdi azamat jazba qaldyrǵan, dep habarlaıdy “Adyrna” ulttyq portaly.
«Mynaǵan ne deısizder endi. Bul týǵa oranǵan tulpar. Bireýge qurmet kórsetemin dep asyra silteıtinder de bar»,- delingen jazbada.
Bul shýǵa aýdandyq ákimdik te jaýap berdi.
«Qurmanǵazy aýdany Eńbekshi aýyldyq okrýginde aýdanǵa belgili azamatqa kórsetilgen qurmet jeke adamdar jáne qoǵamdyq uıym-ardagerler keńesi tarpynan bolǵanyn eskere otyryp, tartý etken atqa jabylǵan Tý elementteri belgilengen jabyndy arnaıy zoodýkenderden alynǵanyn qaperińizge beremiz», - degen aqparat bergen.
