Bügın, 25 nauryzda belgılı küişı, Qazaqstannyŋ halyq ärtısı Qarşyǧa Ahmediiarovtyŋ tuǧanyna 80 jyl tolyp otyr, dep habarlaidy «Adyrna» tılşısı.
Ol 1946 jyly Atyrau oblysy, Mahambet audany, Taŋdai auylynda düniege kelgen. Küige qūmar bozbala Almaty memletkettık konservatoriiasynda Qali Jantıleuov, Qūbyş Mūhitov, Uäli Bekenov siiaqty maitalmandardan därıs alǧan. 1967-1991 jyldar aralyǧynda Qūrmanǧazy atyndaǧy Qazaq akademiialyq halyq aspaptar orkestrınde dombyraşy, konsertmeister, dirijer qyzmetterın atqarǧan. 1974 jyldan Almaty memlekettık konservatoriiasynda şäkırt tärbieleumen qatar zertteu jūmystarymen ainalysqan.
Qarşyǧa Ahmediiarov – «Naryn, «Quanyş», «Saǧynyş», «Nūrǧisa», «Qyz ǧūmyr», «Aq qaiyŋ», «Altyn ūia» sekıldı köptegen küilerdıŋ avtory. Sonymen qatar Qūrmanǧazy, Däuletkerei, Dina synda ataqty küişılerdıŋ küilerın jinap, «Atyrau» degen küiler jinaǧyn jaryqqa şyǧarǧan. «Saryarqa», «Jıger», «Äsem qoŋyr», «Şynar», «Tabynu» atty küiler jinaǧy jaryq körgen. 500-den asa küiı radio, teledidar mūraǧattarynda saqtauly.
Memlekettık syilyqtyŋ laureaty, däulesker küişı-dombyraşy, talantty kompozitor 2010 jyly 65 jasqa qaraǧan şaǧynda qaitys boldy.
