Almatydaǧy QR Ūlttyq kıtaphanasynda «Şalqar» radiosynyŋ 60 jyldyǧyna arnalǧan saltanatty ıs-şara ötıp, jaŋa kıtap tanystyryldy.
Şaraǧa QR Prezidentınıŋ keŋesşısı Mälık Otarbaev, QR Mädeniet jäne aqparat bırınşı vise-ministrı Qanat Ysqaqov, QR Eŋbek sıŋırgen qairatkerı, f.ǧ.d, professor Namazaly Omaşev, QR Jurnalister Odaǧynyŋ töraǧasy Seiıtqazy Mataev, «Qazaqstan» RTRK» AQ Basqarma töraǧasy Ernūr Burahan, «Şalqar» radiosynyŋ ardagerlerı men qyzmetkerlerı, ziialy qauym ökılderı qatysty.
Saltanatty jiyn Memleket basşysynyŋ qūttyqtau hatymen aşyldy. Senat jäne Mäjılıs töraǧalary, Memlekettık Keŋesşı, Premer-ministr, QR Premer-ministrınıŋ orynbasary – Mädeniet jäne aqparat ministrı de qūttyqtaularyn joldady. Radionyŋ damuyna üles qosqan ardagerler men qyzmetkerlerge marapat tabystaldy.
Arnanyŋ 60 jyldyǧyna orai jaryq körgen «ŪLTTYŊ ÜNBAIRAǦY» atty kıtaptyŋ tūsaukeser räsımı öttı. Oǧan radio ardagerlerı Sauyq Jaqanova, Ruslana Qūdaibergenova, Qūsman İgısınov, Namazaly Omaşev, Äşırhan Telǧoziev, «Asyl kıtap» baspasynyŋ direktory Jasūlan Seidahmetov qatysyp, söz söiledı.
Sonymen qatar mereitoi aiasynda qazaqtyŋ tūŋǧyş radiodiktory, Qazaq radiosynyŋ ardagerı, KSRO-nyŋ Qūrmettı radisı, Qazaq KSR-nıŋ eŋbek sıŋırgen mädeniet qyzmetkerı Mina Seiıtova atyndaǧy diktorlar baiqauy jariialandy. Baiqau şarttary turaly tolyq aqparat «Şalqar» radiosynyŋ saitynda (https://qazradio.fm/shalqarfm/kz/).
Nauryz aiynyŋ basynda Almaty qalasyndaǧy «Radio üiı» ǧimaratynda tolyq jöndeuden ötken studiia aşylyp, oǧan qazaqtyŋ tūŋǧyş radiodiktory Mina Seiıtovanyŋ esımı berıldı.
Mereitoilyq şara barysynda «Şalqar» radiosynda är jyldary eŋbek etken ardagerler jäne qonaqtar estelıkterımen bölısıp, äserlı keştıŋ kuäsı boldy.
