بۇگىن، 25 ناۋرىزدا بەلگىلى كۇيشى، قازاقستاننىڭ حالىق ءارتىسى قارشىعا احمەدياروۆتىڭ تۋعانىنا 80 جىل تولىپ وتىر، دەپ حابارلايدى «ادىرنا» ءتىلشىسى.
ول 1946 جىلى اتىراۋ وبلىسى، ماحامبەت اۋدانى، تاڭداي اۋىلىندا دۇنيەگە كەلگەن. كۇيگە قۇمار بوزبالا الماتى مەملەتكەتتىك كونسەرۆاتورياسىندا قالي جانتىلەۋوۆ، قۇبىش مۇحيتوۆ، ءۋالي بەكەنوۆ سياقتى مايتالمانداردان ءدارىس العان. 1967-1991 جىلدار ارالىعىندا قۇرمانعازى اتىنداعى قازاق اكادەميالىق حالىق اسپاپتار وركەسترىندە دومبىراشى، كونتسەرتمەيستەر، ديريجەر قىزمەتتەرىن اتقارعان. 1974 جىلدان الماتى مەملەكەتتىك كونسەرۆاتورياسىندا شاكىرت تاربيەلەۋمەن قاتار زەرتتەۋ جۇمىستارىمەن اينالىسقان.
قارشىعا احمەدياروۆ – «نارىن، «قۋانىش»، «ساعىنىش»، «نۇرعيسا»، «قىز عۇمىر»، «اق قايىڭ»، «التىن ۇيا» سەكىلدى كوپتەگەن كۇيلەردىڭ اۆتورى. سونىمەن قاتار قۇرمانعازى، داۋلەتكەرەي، دينا سىندا اتاقتى كۇيشىلەردىڭ كۇيلەرىن جيناپ، «اتىراۋ» دەگەن كۇيلەر جيناعىن جارىققا شىعارعان. «سارىارقا»، «جىگەر»، «اسەم قوڭىر»، «شىنار»، «تابىنۋ» اتتى كۇيلەر جيناعى جارىق كورگەن. 500-دەن اسا كۇيى راديو، تەلەديدار مۇراعاتتارىندا ساقتاۋلى.
مەملەكەتتىك سىيلىقتىڭ لاۋرەاتى، داۋلەسكەر كۇيشى-دومبىراشى، تالانتتى كومپوزيتور 2010 جىلى 65 جاسقا قاراعان شاعىندا قايتىس بولدى.
