20 qańtarda saǵat 19.00-de Qurmanǵazy orkestriniń konert zalynda Ulttyq saz óneriniń jarqyn beınesi Qurmanǵazy Saǵyrbaıulynyń 200 jyldyǵyna arnalǵan «Saryarqa» atty konerti ótti.
Kesh qonaqtary Qazaqstannyń Eńbek sińirgen qaıratkeri Ardaq Isataeva, Halyqaralyq jáne Respýblıkalyq konkýrstardyń laýreattary Birjan Álıev, Azamat Shynarov, Ásel Alına jeke óner kórsetti.
2023 jyl – Qurmanǵazy Saǵyrbaıulynyń 200 jyldyq mereıtoıy aıasynda respýblıkalyq deńgeıde QR Mádenıet jáne sport mınıstrliginiń qoldaýymen Ulttyq orkestr aýqymdy is-sharalar men dáýlesker kúıshi atyndaǵy kil myqtylardy anyqtaıtyn Respýblıkalyq konkýrs uıymdastyrady.
Aıtýly mereıtoı 2018 jyly IýNESKO kóleminde atap ótilgen bolatyn.
Uly kúıshi Qurmanǵazy Saǵyrbaıulynyń dúnıege kelgen kúni týraly san túrli boljam men aqparlar aıtylýda. Keı derekkózderi 1806 dese, tom jınaqtarda 1818 dep kórsetilgen. Alaıda, Muhtar Áýezov atyndaǵy óner ýnıversıtetiniń zertteýlerine sáıkes 1823 jyl dep bekitilgen. Kúı atasy atanǵan Qurmanǵazy Saǵyrbaıuly – kúılerinde azattyqty ańsap, bostandyqty jyrlap ótken dara tulǵa. Qazaq ultynyń baı murasyn "Adaı", "Balbyraýyn", "Saryarqa" jáne taǵy basqa mazmundy, áserli, tereń maǵynaly fılosofııalyq kúılermen tolyqtyrdy.
Qurmanǵazy Saǵyrbaıuly – ultynyń bar jaqsy qasıetin boıyna sińirip ósken kúı atasy, halqynyń táýelsizdikke jetýin armandap, kúımen árlegen dáýlesker, ańyz kúıshi.
