Qazaqstanda jaŋa Konstitusiiany qabyldau boiynşa ötetın referendumǧa daiyndyq jūmystary qarqyndy jürgızılude, dep habarlaidy "Adyrna" ūlttyq portaly.
Būl turaly QR Prezidentı Äkımşılıgınıŋ basşysy Aibek Dädebai mälımdedı.
Onyŋ aituynşa, aldaǧy referendum elımız üşın de, barlyq azamattar üşın de asa maŋyzdy saiasi oqiǧa sanalady. Osyǧan bailanysty barlyq qūqyqtyq räsımderdıŋ saqtaluy men zaŋ talaptarynyŋ qataŋ oryndaluy basty nazarda.
«Memlekettık organdardyŋ negızgı mındetı – dauys beru üderısın tolyqqandy ūiymdastyru. Iаǧni, qajettı infraqūrylymdy qamtamasyz etu, sailau uchaskelerınıŋ jūmysyn üilestıru, sondai-aq mümkındıgı şekteulı azamattarǧa qolaily jaǧdai jasau maŋyzdy», – dedı ol.
Sonymen qatar, Qasym-Jomart Toqaev jaŋa Konstitusiia jobasyn äzırleuge tıkelei qatysyp, onyŋ mazmūnyna erekşe män bergenı atap ötıldı.
Aibek Dädebaidyŋ sözınşe, Memleket basşysy azamattardan, sarapşylardan jäne qoǧamdyq ūiymdardan tüsken ūsynystardy jeke özı qarap, taldaǧan. Sondai-aq Prezident keŋesşılermen jäne jūmys toptarymen bırlesıp, Konstitusiianyŋ kırıspesı men negızgı baptaryn äzırleuge belsendı atsalysqan.
«Prezident soŋǧy jarty jyl ışınde Parlamenttık reforma jönındegı jūmys toptarymen jäne Konstitusiialyq komissiia müşelerımen tūraqty türde kezdesıp otyrdy. Kei jaǧdaida būl kezdesuler ūzaq uaqytqa sozyldy», – dedı ol.
Būdan bölek, Memleket basşysy tyǧyz jūmys kestesıne qaramastan, Konstitusiia mätınımen tüngı uaqytta da jūmys ıstegenı aityldy.
Aibek Dädebai jaŋa Konstitusiia jobasynda Prezidenttıŋ saiasi baǧyty, qoǧam men memlekettı damytuǧa qatysty közqarastary men ūstanymdary keŋınen körınıs tapqanyn jetkızdı. Onyŋ pıkırınşe, osynyŋ bärı Qasym-Jomart Toqaev jaŋa Konstitusiianyŋ basty avtory ekenın körsetedı.
