Jalpyūlttyq koalisiia qyzmetı aiasynda äleumettık jelılerde paidalanuşylardyŋ avatarlaryna taqyryptyq ramka ornatu bastamasy jüzege asyryluda. Bügınde 15 nauryzǧa belgılengen jalpyūlttyq referendum qarsaŋynda öz azamattyq ūstanymyn jariia türde bıldırıp, aksiiaǧa 88 myŋnan astam adam qosyldy.
Twibbonize.com aşyq platformasynda arnaiy «referendum2026» tvibbony jükteldı. Bırneşe kün ışınde ösu qarqyny boiynşa ol TOP-1 qataryna kırıp, servistegı eŋ köp qoldanylǧan tvibbonǧa ainaldy. Sondai-aq platformada basqa da bastamaşylyq aksiialar ornalastyrylǧan. Qazırgı uaqytta qoldauşylardyŋ jalpy sany 88 myŋ adamǧa jettı. Jaŋa Konstitusiia jobasyn qoldaityn azamattar sany kün saiyn artyp keledı.
Onlain-belsendılıkke tanymal qazaqstandyqtar da aksiiaǧa qosyldy — blis-şahmattan älem chempiony Bibısara Asaubaeva, Sidnei Olimpiadasynyŋ jüldegerı Mūhtarhan Dıldäbekov, bokstan Qazaqstannyŋ üş dürkın chempiony Vasilii Levit, eŋbek sıŋırgen öner qairatkerı Qaraköz Süleimenova, muzykant Abai Begei, prodiuser Renat Basit, «Dervişi» tobynyŋ solisı Dilmurat Baharov, halyq ärtısı Tūŋǧyşbai Jamanqūlov, akter Erbolat Tölegen jäne basqa da köptegen tūlǧalar.
Būl bastama Qazaqstannyŋ är öŋırındegı paidalanuşylardy bırıktırıp, azamattardyŋ el bolaşaǧyn talqylauǧa qatysuynyŋ joǧary deŋgeiın körsete otyryp, qoǧamda erekşe nazar audartqan sifrlyq formattardyŋ bırıne ainaldy.
