Prezidenttıŋ ışkı saiasat mäselelerı jäne kommunikasiialar jönındegı kömekşısı Arman Qyryqbaev Almaty jastarymen kezdesıp, jaŋa Konstitusiia jobasynyŋ negızgı erejelerın talqylady. Dialog aşyq ärı mazmūndy öttı. Studentter, belsendıler men qoǧam ökılderı tarapynan köptegen sūraq qoiyldy. Äsırese, jinalǧan qauymdy jaŋa Ata Zaŋdaǧy jastarǧa arnalǧan mümkındıkter erekşe qyzyqtyrdy.
«Jaŋa Konstitusiia jastarǧa ne beredı?» degen saual kezdesu barysynda eŋ köp qoiylǧan ärı talqylanǧan taqyryptardyŋ bırıne ainaldy. Ärbır sūraqqa jauap bergen Arman Qyryqbaev 15 nauryzda ötetın respublikalyq referendumǧa şyǧarylǧan jaŋa Konstitusiia jobasy tek zamanaui syn-qaterlerge jauap berıp qana qoimai, eldıŋ ūzaq merzımdı damuynyŋ berık negızın qalaitynyn atap öttı. Jaŋa Ata Zaŋda adam qūqyqtarynyŋ kepıldıkterıne, käsıpkerlıktı qoldauǧa, sapaly bılım berudı qamtamasyz etuge jäne ǧylym men innovasiiany damytuǧa airyqşa män berılgen.
Prezident kömekşısınıŋ aituynşa, jaŋa Konstitusiia bäsekege qabılettı, bılımdı ärı tehnologiialyq tūrǧydan sauatty ūrpaq ösıru üşın qūqyqtyq negız qalyptastyrady. Ol jas ǧalymdar men startap-jobalarǧa qoldau körsetudı küşeitu memlekettıŋ strategiialyq basymdyqtarynyŋ bırı ekenın jetkızdı.
Sonymen qatar, kezdesu barysynda jaŋa Konstitusiia jobasynda körınıs tapqan Prezidenttıŋ «Ädılettı Qazaqstan», «Taza Qazaqstan» jäne «Zaŋ men tärtıp» bastamalaryna airyqşa köŋıl bölındı.
«Zaŋ men tärtıp» qaǧidaty, qorşaǧan ortaǧa ūqypty qarau, «Ädılettı Qazaqstan» ideiasy – Prezidenttıŋ jyl saiynǧy halyqqa Joldaularynda, maqalalary men sözderınde ünemı aitylyp keledı. Köp jaǧdaida olar jastarǧa arnalady. Jaŋa Konstitusiia mätının äzırleu barysynda 10 myŋnan astam ūsynys tüstı. Olardyŋ basym bölıgı adamǧa baǧdarlanǧan qūndylyqtarǧa arnaldy – ädılettılıktıŋ saltanat qūruy, zaŋ men tärtıptıŋ üstemdıgı, qalalarymyz ben auyldarymyzdyŋ tazalyǧy, jasampaz ärı ızgı nietter. Demek, Memleket basşysy halyqtyŋ jüregınde köpten berı jürgen dünielerdı qozǧap jür. Sondyqtan būl ideialardyŋ jaŋa Konstitusiia mätınınde körınıs tabuy – zaŋdy qūbylys», – dep tüiındedı ol.
