Polisiia qyzmetkerlerı äleumettık jelılerde Maŋǧystau oblysynda bolǧan tötenşe jaǧdaiǧa qatysty şynaiy aqparatqa säikes kelmeitın mälımetterdı taratu faktılerın anyqtady.
D.S. jäne G.S. esımdı azamattardyŋ Facebook äleumettık jelısındegı paraqşalaryna äskeri qyzmetşı A.A. turaly aqparat jariialaǧany belgılı boldy. Jariialanymdarda onyŋ suǧa batyp bara jatqan joldasyn qūtqaryp, öz betımen jaǧaǧa şyqqany, sondai-aq onyŋ erlıgı men qūtqarylu jaǧdailary qasaqana jasyrylyp otyrǧany turaly mälımetter taratylǧan.
Tekseru barysynda D.S. atalǧan aqparatty alystaǧy tuystarynan alǧany anyqtaldy. Al G.S. būl mälımetterdı äleumettık jelılerden alyp, olardyŋ şynaiylyǧyn teksermesten öz paraqşasynda jariialaǧanyn tüsındırdı.
Atalǧan mälımetter şyndyqqa säikes kelmeidı jäne Qazaqstan Respublikasy qorǧanys ministrlıgı tarapynan resmi türde joqqa şyǧaryldy.
Atap aitqanda, qorǧanys ministrlıgı äskeri qyzmetşı A.A.-ǧa qatysty tüsınıkteme berdı. Vedomstvonyŋ aqparatyna säikes, A.A. oqu-jattyǧu barysynda jaǧalauda bolyp, oqu-jattyǧu josparyna säikes közdelgen mındetterdı oryndaǧan. Onymen bırge jaǧalauda merzımdı äskeri qyzmettegı matros M.Ä. bolǧan. Qazırgı uaqytta ekı äskeri qyzmetşı de äskeri bölımnıŋ ornalasqan jerınde qyzmetın jalǧastyryp jatyr.
Osylaişa äleumettık jelılerde A.A-nyŋ öz betımen jaǧaǧa jüzıp şyqqany, suǧa batyp bara jatqan joldasyn qūtqarǧany jäne onyŋ erlıgı turaly aqparattyŋ qasaqana jasyrylyp otyrǧany jönınde taraǧan mälımetter şyndyqqa säikes kelmeidı.
Sonymen qatar oqiǧaǧa qatysty şynaiy aqparatqa säikes kelmeitın mälımetterdı taratqan Şymkent qalasynyŋ tūrǧyny S.K. jäne Kökşetau qalasynyŋ tūrǧyny K.O. anyqtaldy.
Atap aitqanda, S.K. Facebook äleumettık jelısındegı paraqşasynda taǧy bır äskeri qyzmetşınıŋ qaza bolǧany turaly şynaiy aqparatqa säikes kelmeitın mälımet jariialap, onyŋ tuystaryna qysym körsetılıp, olardan aqşa talap etılıp otyrǧanyn mälımdegen.
Öz kezegınde K.O. Maŋǧystau oblysynda taǧy bır äskeri qyzmetşınıŋ qaza bolǧany turaly şynaiy aqparatqa säikes kelmeitın mälımet jariialaǧan.
Äkımşılık materialdardy qarau nätijesınde sot şeşımımen atalǧan tūlǧalar äkımşılık jauapkerşılıkke tartylyp, 20 AEK mölşerınde aiyppūl salyndy.
Polisiia şynaiy aqparatqa säikes kelmeitın mälımetterdı, onyŋ ışınde basqa tūlǧalardyŋ materialdaryn qaita jariialau arqyly taratudyŋ da jauapkerşılıkten bosatpaitynyn eskertedı. Bögde aqparat közıne sılteme jasau azamattardyŋ qūqyqtary men zaŋdy müddelerıne nūqsan keltıruı mümkın tekserılmegen mälımetterdı taratuǧa negız bola almaidy.
Polisiia äleumettık jelı paidalanuşylaryn aqparatty jariialauǧa jauapkerşılıkpen qarauǧa, taratylatyn mälımetterdıŋ şynaiylyǧyn tekseruge jäne rastalmaǧan aqparatty jariialauǧa jol bermeuge şaqyrady.
