Maŋǧystau oblysynyŋ äkımı Nūrdäulet Qilybai Qaraqiia audanyndaǧy «Organic Fish» JŞS-nıŋ Kaspii teŋızınde balyq ösıru şaruaşylyǧynyŋ jūmysymen tanysty.
Joba Qūryq portynan şamamen 20 şaqyrym qaşyqtyqtaǧy Kaspii teŋızınıŋ tereŋ su bölıgınde albyrt tūqymdas balyqtardy teŋız tor qorşamalarynda ösırudı közdeidı. Käsıporynnyŋ öndırıstık quatyn kezeŋ-kezeŋımen arttyryp, jylyna 5 myŋ tonnaǧa deiın tauarly balyq öndıru josparlanǧan.
2025 jylǧy qyrküiekte teŋızge diametrı 38 metr bolatyn alǧaşqy üş tor qorşama ornalastyryldy. Sol jyldyŋ qaraşa aiynan bastap jyl soŋyna deiın olarǧa jalpy salmaǧy şamamen 20 tonna bolatyn 95 myŋ dana balyq şabaǧy jıberıldı. Bastapqyda ortaşa salmaǧy 200 gramm bolǧan balyqtardyŋ qazırgı salmaǧy 1,8-2,5 kilogramǧa deiın jettı.
Käsıporyn alǧaşqy önımın biyl qyrküiek aiynda alyp, ışkı naryqqa şyǧarudy josparlap otyr.
– Memleket basşysy Qasym-Jomart Kemelūly Toqaev otandyq öndırıstı damytu, ekonomikany ärtaraptandyru jäne azyq-tülık qauıpsızdıgın qamtamasyz etu mındetterın ünemı atap keledı. «Organic Fish» jobasy osy baǧyttaǧy naqty jūmystardyŋ bırı. Kaspii teŋızınıŋ tabiǧi äleuetın tiımdı paidalanyp, jaŋa öndırıs baǧytyn qalyptastyru arqyly ışkı naryqty otandyq önımmen qamtamasyz etuge mümkındık bar. Sondyqtan jobanyŋ öndırıstık quatyn kezeŋ-kezeŋımen arttyryp, belgılengen josparlardy sapaly jüzege asyru maŋyzdy, – dedı Nūrdäulet Qilybai.
Jobanyŋ öndırıstık quatyn arttyru maqsatynda biyl taǧy üş teŋız tor qorşamasyn ornatu jūmystary jürgızılude. Qazırgı uaqytta olar belgılengen uchaskelerge ornalastyrylyp, bekıtu jūmystary atqaryluda. Qosymşa tor qorşamalardy qyrküiek aiynyŋ basyna deiın ıske qosyp, olardy balyqtandyru josparlanǧan.
Jyl soŋyna deiın barlyq alty tor qorşamaǧa şamamen 470 myŋ dana balyq şabaǧyn ornalastyru közdelıp otyr. Şabaqtardyŋ ortaşa salmaǧy 200-300 gramm, jalpy biomassasy şamamen 114 tonnany qūraidy.
Josparǧa säikes, jobanyŋ öndırıstık quaty 2026 jyly 150 tonna, 2027 jyly 1 300 tonna, al 2028 jyly 5 myŋ tonna tauarly balyq öndıru deŋgeiıne jetkızıledı. Aldaǧy kezeŋde tor qorşamalar sanyn odan ärı köbeitu közdelıp otyr.
Aimaq basşysy teŋız akvaşaruaşylyǧyn damytu Maŋǧystaudyŋ ekonomikalyq äleuetın ärtaraptandyruǧa, jaŋa jūmys oryndaryn aşuǧa jäne ışkı naryqty otandyq önımmen qamtamasyz etuge mümkındık beretının atap öttı.
«Organic Fish» jobasy Kaspii teŋızınıŋ tabiǧi äleuetın tiımdı paidalana otyryp, Qazaqstanda teŋızde balyq ösıru baǧytyn damytuǧa jäne akvaşaruaşylyq salasynyŋ jaŋa tehnologiialyq deŋgeige köterıluıne mümkındık beredı.
