Mańǵystaýda aýdan prokýrorynyń burynǵy orynbasary abaısyzda kisi óltirip alǵany úshin 1,5 jylǵa sottaldy, dep jazady "Adyrna" tilshisi inbusiness.kz saıtyna siltep.
Sotta 2023 jyldyń jeltoqsan aıynda Mańǵystaý oblysy Munaıly aýdany prokýrorynyń burynǵy orynbasary Aqtaý qalasynyń memlekettik kirister basqarmasy basshysynyń orynbasary, jábirlenýshimen janjaldasyp, aqyrynda ony aýyr soqqyǵa jyqqany anyqtalǵan bolatyn. Soqqynyń saldarynan jábirlenýshi jerge qulap, esin jımastan qaıtys bolǵan.
Sottalýshy kinási sot saraptamalarynyń qorytyndylarymen jáne istiń basqa materıaldarymen dáleldenip otyr.
Jaryssóz barysynda memlekettik aıyptaýshy bastapqy aıypty ózgertip, T-ny QK-niń 104-babynyń 1-bóliginde kózdelgen qylmysty jasaǵany úshin kináli dep tanýdy surap, is ózgertilgen aıyp boıynsha qaralǵan.
"Sottalýshy T. ózgertilgen aıyp boıynsha QK-niń 104-babynyń 1-bóligimen (abaısyzda qazaǵa ushyratqany úshin) kináli dep tanylyp, oǵan 1 jyl 6 aıǵa bas bostandyǵynan shekteý jazasy taǵaıyndaldy. Úkim zańdy kúshine engen joq. Qazirgi tańda is apellıaııalyq sot alqasynda qaralýda", - delingen Aqtaý qalalyq sotynyń habarlamasynda.
