Búgin Astanada Qazaqstan Respýblıkasynyń Prezıdenttigine «Aýyl» halyqtyq-demokratııalyq patrıottyq partııasynan kandıdat Jıgýlı Daırabaevtyń respýblıkalyq shtabynyń resmı ashylýy ótti.
Kandıdattyń respýblıkalyq shtabynyń basshysy Tóleýtaı Rahymbekov shtab jumysyn asha otyryp, quttyqtaý sóz sóıledi. Ol kandıdatty tanystyryp, saılaý naýqanyn ótkizý josparlary týraly aıtty.
«Úgit-nasıhat jumystarymen Qazaqstannyń barlyq eldi-mekenin, atap aıtqanda 88 qalany, 30 kentti, barlyq 20 óńirde ornalasqan 6 000-nan astam aýyldyq eldi mekendi qamtýdy josparlap otyrmyz. Bizdiń kandıdat pen senimdi tulǵalardyń saparlary «Esikten esikke» formatynda ótedi. Barlyq is-shara ýaqytynda ótkiziledi. «Aýyl» partııasynan kandıdat Jıgýlı Daırabaevtyń baǵdarlamasy men usynystary óz jaqtastaryn tabady dep úmittenemiz», – dep atap ótti Tóleýtaı Rahymbekov.
Onyń aıtýynsha, kandıdatty qoldaý jónindegi shtabtar respýblıkalyq mańyzy bar úsh qalany qosa alǵanda, elimizdiń barlyq 20 óńirinde bar. Sondaı-aq, barlyq 164 aýdanda jáne 37 oblystyq deńgeıdegi qalada 222 shtab uıymdastyryldy. Barlyq qoǵamdyq shtab úgit-nasıhat jumystaryna qajetti zatpen tolyq qamtamasyz etilgen.
Óz sózinde Qazaqstan Respýblıkasynyń Prezıdenttigine kandıdat Jıgýlı Daırabaev partııa múshelerine senim bildirgeni úshin alǵys aıtyp, is-sharaǵa qatysýshylardy óziniń saılaýaldy baǵdarlamasymen tanystyrdy.
«Meniń saılaýaldy baǵdarlamam bizdiń basty ulttyq artyqshylyqtarymyz – dala demokratııasy qaǵıdattaryn; joǵary rýhanı-adamı mádenıetti; kúshti agrarlyq salany jáne myqty óńirlerdi barynsha iske asyrýǵa negizdelgen jańa Qazaqstandy qurýǵa baǵyttalǵan. Ata – baba murasyn qasterlep qurmetteıtin jáne ulttyń bolashaǵy úshin shyn peıilmen alańdaıtyn árbir qazaqstandyq meniń bastamalarymdy qoldaıtynyna jáne Qazaqstan Respýblıkasyn odan ári damytý jónindegi ortaq istiń qozǵaýshy kúshine aınalatynyna senimdimin», – dedi kandıdat Jıgýlı Daırabaev.
Sonymen qatar is-sharada kandıdattyń jaqtastary, fermerler men partııanyń jastar qanatynyń belsendileri sóz sóılep, qoldaý bildirdi.
«Aýyl» HDPP Baspasóz qyzmeti
8 701 055 25 52 auyl_pressa@mail.ru
"Adyrna" ulttyq portaly
