Marat Sūltanǧaziev respublikalyq referendum aiasynda dauys berdı. Öŋır basşysy Qonaev qalasyndaǧy №949 referendum uchaskesıne baryp, öz taŋdauyn jasady. Aimaq basşysy būl künnıŋ el üşın maŋyzy erekşe ekenın atap öttı.
«Bügın elımız üşın asa maŋyzdy tarihi sät. Özım tırkelgen referendum uchaskesıne baryp, Almaty oblysy tūrǧyny ärı osy eldıŋ azamaty retınde taŋdauymdy jasadym. Är azamattyŋ taŋdauy memleketımızdıŋ tūraqtylyǧy men damuyna negız bolady», – degen Marat Eleusızūly Almaty oblysynda būl nauqandy ūiymdastyru üşın auqymdy jūmystar atqarylǧanyn baiandady.
«Öŋırde jalpy sany 677 referendum uchaskesı aşyldy. Onyŋ ışınde auruhanalar, äskeri bölımder men äleumettık oryndarda 36 uchaske jūmys ıstep tūr. Dauys beru prosesın jürgızuge tartylǧan 4781 mamannyŋ barlyǧy arnaiy oqudan ötıp, daiyndyqtaryn pysyqtady. Sondai-aq 16 qoǧamdyq ūiym ökılı baqylau jürgızude.
Tūrǧyndarǧa yŋǧaily boluy üşın sifrlyq mümkındıkter de qarastyrylǧan. Uchaskelerdıŋ basym bölıgı azamattardy tekseru jüiesıne qosylǧan. Qonaev, Esık, Talǧar, Qaskeleŋ qalalary men Ötegen batyr kentındegı 5 uchaskede tūrǧyndardy tıkelei sol jerde tızımge qosu mümkındıgı bar. Oblys boiynşa referendumǧa qatysu qūqyǧy bar 1 millionnan astam azamat tızımge enıp, olardyŋ barlyǧyna şaqyrtular taratyldy. Mümkındıgı şekteulı jandardyŋ kedergısız dauys beruıne erekşe köŋıl bölındı. Oblystaǧy 2320 mügedektıgı bar azamat üşın uchaskelerde arnaiy pandustar, yŋǧaily kabinalar men köru, estu qabıletı naşar jandarǧa arnalǧan kömekşı qūraldar men belgıler ornatyldy», – degen oblys äkımı özgerıs jauapkerşılıkten bastalatynyn, jaŋartylǧan Konstitusiia ärqaisymyzdyŋ qūqyǧymyzdy nyǧaityp, memlekettıŋ halyq aldyndaǧy mındetın aiqyndai tüsetının jetkızdı.
Aita keteiık, bügın Qazaqstan boiynşa Jaŋa Konstitusiia jobasyna qatysty respublikalyq referendum ötıp jatyr. Kämelet jasyna tolǧan ärbır azamat öz taŋdauyn jasauǧa qūqyly.
