Bügın Şyǧys Qazaqstan oblysyndaǧy Dostyq üiı-qoǧamdyq kelısım ortalyǧynda «Bız - jaŋa halyqtyq Konstitusiia üşın» atty respublikalyq jastar forumy öttı. Oǧan aimaq basşysy Nūrymbet Saqtaǧanov pen elımızdıŋ är tükpırınen kelgen Jas belsendıler mektebınıŋ müşelerı qatysty.
«Öŋırımız 17 aimaqtyŋ jastaryn bırıktırgen maŋyzdy dialog alaŋyna, jaŋa bastamalar men mazmūndy pıkır almasulardyŋ ortalyǧyna ainalyp otyr. Būl jerde tyŋ ideialar tuyndap, jas buynnyŋ azamattyq ūstanymy qalyptasyp, el damuyna baǧyttalǧan naqty ūsynystar aitylady dep senemın. Barşaŋyzǧa mälım, Memleket basşysy 2026 jylǧy 15 nauryzda respublikalyq referendum ötkızu turaly Jarlyqqa qol qoidy. Jaŋa Ata Zaŋda Qazaqstannyŋ demokratiialyq, zaiyrly, qūqyqtyq jäne äleumettık memleket ekenı naqty bekıtılgen!», - dedı oblys äkımı.
Söz soŋynda Nūrymbet Saqtaǧanov eldıŋ damu jolynda jastardyŋ rölı erekşe ekenın atap ötıp, respublikalyq jas belsendıler mektebınıŋ jūmysyna sättılık tıledı.
Odan soŋ jinalǧandar öz baiandamalaryn ūsynyp, Konstitusiiadaǧy özgerısterdıŋ maŋyzdylyǧyna toqtady. Qatysuşylar jaŋa Ata Zaŋ jobasyn tolyqtai qoldaityndyqtaryn bıldırdı.
