Qazaqstan Respublikasy Ortalyq sailau komissiiasy 2026 jylǧy 23 tamyzǧa taǧaiyndalǧan Qazaqstan Respublikasy Qūryltaiy deputattarynyŋ sailauyn daiyndau men ötkızudıŋ negızgı ıs-şaralarynyŋ küntızbelık josparyn bekıttı.
«Küntızbelık jospardyŋ bekıtıluı sailau nauqanynyŋ resmi bastalǧanyn bıldıredı. Būl qūjat Qazaqstan Respublikasynyŋ Konstitusiiasy men «Qazaqstan Respublikasyndaǧy sailau turaly» Konstitusiialyq zaŋǧa säikes barlyq sailau räsımderınıŋ kezektılıgı men merzımderın aiqyndaidy, olardyŋ uaqtyly ūiymdastyryluyn qamtamasyz etedı jäne sailau prosesıne qatysuşylardyŋ barlyǧy üşın teŋ qūqyqtyq jaǧdai qalyptastyrady», – dedı Qazaqstan Respublikasy Ortalyq sailau komissiiasy töraǧasynyŋ orynbasary Mūhtar Erman.
Onyŋ aituynşa, küntızbelık josparǧa säikes, 2–13 şılde aralyǧynda (saǧat 18:00-ge deiın) saiasi partiialar partiialyq tızımderın ūsyna alady. Kandidattardyŋ Qazaqstan Respublikasynyŋ Konstitusiiasy men «Qazaqstan Respublikasyndaǧy sailau turaly» Konstitusiialyq zaŋ talaptaryna säikestıgı tekserılgennen keiın Ortalyq sailau komissiiasy olardy tırkeidı. Tırkeu dauys beru künıne 30 kün qalǧanda, iaǧni 23 şılde künı saǧat 18:00-den keşıktırılmei aiaqtalady.
Sailau aldyndaǧy ügıt jūmystary 2026 jylǧy 23 şılde saǧat 18:00-den keiın bastalyp, 22 tamyz saǧat 00:00-ge deiın jalǧasady. 22 tamyz – tynyştyq künı. Būl künı sailaualdy ügıt jürgızuge jol berılmeidı.
16 şıldeden keşıktırılmei sailau uchaskelerınıŋ şekaralary men uchaskelık sailau komissiialarynyŋ qūramdary jariialanady.
2 tamyzda jergılıktı atqaruşy organdar sailauşylar tızımderın uchaskelık sailau komissiialaryna beredı, al 7 tamyzdan bastap sailauşylar tızımmen tanysyp, ondaǧy derekterdıŋ dūrystyǧyn teksere alady.
Dauys beru 23 tamyz künı jergılıktı uaqyt boiynşa saǧat 07:00-den 20:00-ge deiın ötedı. Sailau uchaskelerı jabylǧannan keiın dauystardy sanau bastalady, al sailau qorytyndylaryn Ortalyq sailau komissiiasy on kün ışınde anyqtaidy.
