Qazaqstan ūlttyq arnasynyŋ telejürgızuşısı, Konstitusiialyq komissiia müşesı Erqanat Köpjasarūly jaŋa Konstitusiia jobasyndaǧy söz erkındıgı turaly baptardyŋ maŋyzy jönınde pıkır bıldırdı.
Komissiia müşesı Ata zaŋ jobasyndaǧy söz bostandyǧy men ǧylymi-tehnikalyq, körkem şyǧarmaşylyq erkındıgıne qatysty baptarǧa toqtaldy.
«Erkın oisyz el kösegesı kögermeidı, aşyq pıkır almasusyz alǧa baspaidy. Jaŋa jobada söz bostandyǧyn şekteuge qatysty norma joq. Basty maqsat – jauapkerşılık jügın küşeitu, arandatuşylyq äreketterdıŋ aldyn alu. Sondai-aq, jobada aqparatty erkın alu men taratu qūqyǧynyŋ aiqyn bekıtıluı – örkenietke ūmtylǧan jūrtqa laiyq batyl qadam», – dedı jurnalist Konstitusiialyq komissiianyŋ toǧyzynşy otyrysynda.
Onyŋ aituynşa, aqparatqa qol jetkızu qūqyǧynyŋ naqty tetıktermen bekıtıluı baspasözdıŋ demın aşyp, memlekettık organdardyŋ jauapkerşılıgın arttyrady.
«Eŋ maŋyzdysy, erkındık pen jauapkerşılıktıŋ bır arnaǧa toǧysuy. Adamnyŋ ar-namysy men abyroiyn biık qoiu, ūlttyq qūndylyqtardy qadırleu – erkındıktı jelbuazdyqqa ainaldyrmaudyŋ, ony el müddesıne qyzmet etkızudıŋ parasatty qadamy. Mūndaǧy erkındık – jügensızdık emes, memlekettık sanaǧa negızdelgen jauapkerşılık. Osy zaŋnamalyq ūstanym pıkır aluandyǧynyŋ tynysyn aşyp, salauatty synnyŋ örısın keŋeitedı. El bırlıgıne syzat tüsıretın jönsızdıkke tosqauyl qoiady», – dep tolyqtyrdy Erqanat Köpjasarūly.
Söz soŋynda ol ūsynylyp otyrǧan konstitusiialyq özgerıster jurnalistikanyŋ basty missiiasyn – qoǧam men bilık arasyndaǧy altyn köpır boludy, aqiqatty aina-qatesız jetkızudı, syndarly sūhbat mädenietın qalyptastyrudy jüzege asyruǧa mümkındık beretının atap öttı.
