بۇگىن شىعىس قازاقستان وبلىسىنداعى دوستىق ءۇيى-قوعامدىق كەلىسىم ورتالىعىندا ء«بىز - جاڭا حالىقتىق كونستيتۋتسيا ءۇشىن» اتتى رەسپۋبليكالىق جاستار فورۋمى ءوتتى. وعان ايماق باسشىسى نۇرىمبەت ساقتاعانوۆ پەن ەلىمىزدىڭ ءار تۇكپىرىنەن كەلگەن جاس بەلسەندىلەر مەكتەبىنىڭ مۇشەلەرى قاتىستى.
ء«وڭىرىمىز 17 ايماقتىڭ جاستارىن بىرىكتىرگەن ماڭىزدى ديالوگ الاڭىنا، جاڭا باستامالار مەن مازمۇندى پىكىر الماسۋلاردىڭ ورتالىعىنا اينالىپ وتىر. بۇل جەردە تىڭ يدەيالار تۋىنداپ، جاس بۋىننىڭ ازاماتتىق ۇستانىمى قالىپتاسىپ، ەل دامۋىنا باعىتتالعان ناقتى ۇسىنىستار ايتىلادى دەپ سەنەمىن. بارشاڭىزعا ءمالىم، مەملەكەت باسشىسى 2026 جىلعى 15 ناۋرىزدا رەسپۋبليكالىق رەفەرەندۋم وتكىزۋ تۋرالى جارلىققا قول قويدى. جاڭا اتا زاڭدا قازاقستاننىڭ دەموكراتيالىق، زايىرلى، قۇقىقتىق جانە الەۋمەتتىك مەملەكەت ەكەنى ناقتى بەكىتىلگەن!»، - دەدى وبلىس اكىمى.
ءسوز سوڭىندا نۇرىمبەت ساقتاعانوۆ ەلدىڭ دامۋ جولىندا جاستاردىڭ ءرولى ەرەكشە ەكەنىن اتاپ ءوتىپ، رەسپۋبليكالىق جاس بەلسەندىلەر مەكتەبىنىڭ جۇمىسىنا ساتتىلىك تىلەدى.
ودان سوڭ جينالعاندار ءوز باياندامالارىن ۇسىنىپ، كونستيتۋتسياداعى وزگەرىستەردىڭ ماڭىزدىلىعىنا توقتادى. قاتىسۋشىلار جاڭا اتا زاڭ جوباسىن تولىقتاي قولدايتىندىقتارىن ءبىلدىردى.
