Konstitusiialyq reforma jönındegı komissiianyŋ toǧyzynşy otyrysynda Mäjılıs deputaty, «Ūlttyq volonterlık jelı» ZTB jetekşısı Vera Kim Qazaqstanda konstitusiialyq deŋgeide volonterlıktı yntalandyrudy bekıtu qajet degen bastama köterdı.
Vera Kim Memleket basşysynyŋ erıktıler qozǧalysyna tūraqty türde qoldau körsetetının eske saldy. Aǧymdaǧy jyldyŋ 30 qaŋtarynda auqymdy kölemde ötken Erıktıler forumy osynyŋ jarqyn dälelı boldy.
«Jaŋa Konstitusiia jobasyna ūsynystar jinau jariialanǧan sätten bastap maǧan volonterlık ūiymdar men erıktılerdıŋ özderınen 31-baptyŋ 2-tarmaǧyn «volonterlık» degen sözben tolyqtyru turaly ötınışter bırneşe ret kelıp tüstı. Osyǧan bailanysty Qazaqstanda äleumettık qamsyzdandyru men qaiyrymdylyqty qūrudy kötermeleumen qatar volonterlıktı yntalandyrudy bekıtudı ūsynamyn», - dedı ol.
Onyŋ aituynşa, būl bapta äleumettık qoldaudy qamtamasyz etudegı memleket yntalandyratyn qoǧamnyŋ qatysu nysandary keltırılgen. Atap aitqanda, onda saqtandyru men qaiyrymdylyq körsetılgen, bıraq basqa maŋyzdy nysan – azamattardyŋ jeke öteusız eŋbegı körsetılmegen.
«Erıktıler tötenşe jaǧdailar kezınde, auruhanalarda kömektesedı, äleumettık salada qarttardy, balalardy, mügedek adamdardy, qiyn jaǧdaida otbasylardy qoldaidy. Būl bükıl el boiynşa jūmys ıstep jatqan äleumettık qoldau jüiesınıŋ maŋyzdy bölıgı» - dedı Vera Kim.
Deputat «volonterlık» sözı normany logikalyq türde tolyqtyratynyn, öitkenı būl jaǧdaida memleket tek resurstar men tetıkterdı ǧana emes, azamattardyŋ da qatysuyn yntalandyratynyn atap körsettı.
«Men būl bastamany bükıl erıktıler qozǧalysynyŋ atynan köteremın», - dedı ol.
Sondai-aq Vera Kim saualnamalarǧa säikes ärbır segızınşı qazaqstandyqtyŋ volonterlık täjıribesı bar ekendıgın körsetetın derekterge toqtaldy. Resmi mälımetter boiynşa, erıktılıkke 300 myŋǧa juyq adam tartylǧan, 800-den astam ūiym men 3,5 myŋ bastamaşyl top jūmys ısteidı.
«Bız üşın būl jai ǧana qyzmet emes – būl bızdıŋ qoǧamnyŋ tūraqtylyǧy men äl-auqatyna qosqan ülesımız», - dedı deputat.
Sonymen qatar ol qoǧamda ekologiialyq mädeniettı qalyptastyrudaǧy erıktılerdıŋ erekşe rölın atap öttı.
Vera Kimnıŋ aituynşa, olar özderınıŋ naqty äreketterımen tabiǧatqa jäne qorşaǧan ortaǧa degen jauapkerşılıkke ūqypty qaraudyŋ ülgısın körsetedı. Aumaqtardy tazartu, aǧaş otyrǧyzu, tabiǧi nysandardy saqtau jäne ekologiialyq bılım beru boiynşa erıktıler bastamalary arqyly tabiǧat qūndylyǧy turaly praktikalyq tüsınık qalyptasady.
«Köptegen adamdar üşın mūndai jobalarǧa qatysu sanaly ekologiialyq tärtıpke degen alǧaşqy qadam, al jastar üşın azamattyq jauapkerşılık pen qoǧamdyq igılıkke qūrmetpen qaraudyŋ maŋyzdy mektebı bolyp tabylady», – dep atap öttı ol.
Vera Kim jaŋa Konstitusiia jobasynda joǧary ekologiialyq mädeniettıŋ memlekettıŋ ırgelı qaǧidaty retınde ornyǧuy qoǧamdyq qozǧalysqa jüielı jäne ūzaq merzımdı sipat beretının atap öttı.
Nätijesınde qorşaǧan ortaǧa qamqorlyq bır rettık aksiiaǧa emes, bılım beru, qūqyqtyq retteu jäne qoǧamdyq bastamalar arqyly qoldau körsetıletın memlekettık saiasattyŋ strategiialyq baǧytyna ainalady.
«Azamattar üşın būl taza jäne qauıpsız ömır süru ortasy, densaulyqty qorǧau jäne tabiǧi resurstardy saqtaudan körınedı. Volonterlerdıŋ belsendılıgı men ekologiialyq mädeniettı konstitusiialyq tūrǧyda tanu tūtastai alǧanda är adam eldıŋ tabiǧaty men bolaşaǧyn saqtaudyŋ qatysuşysy bolatyn damudyŋ tūraqty modelın qalyptastyrady», – dep tüiındedı ol.
