Arqalyq qalasynyŋ jaŋǧyrtylǧan äuejaiy 2026 jyldyŋ ekınşı jartysynda paidalanuǧa berıledı dep josparlanyp otyr. Būl turaly qala äkımı Ämırhan Asanov mälımdedı, dep habarlaidy "Adyrna".
Äkımnıŋ aituynşa, äue ailaǧynyŋ ıske qosyluy öŋır üşın strategiialyq maŋyzǧa ie. Josparǧa säikes, alǧaşqy reister Almaty, Astana jäne Qostanai baǧyttary boiynşa jüzege asady.
"Jospar boiynşa alǧaşqy ūşaqtar Almaty, Astana jäne Qostanai baǧyttary boiynşa ūşady. Iаǧni, äuejai biznes, bılım beru, turizm jäne jolauşylar qatynasynyŋ jaŋa beleske köterıluıne jol aşady. Arqalyqtyŋ tranzittık äleuetı artyp, öŋır damuyna oŋ serpın beretın jaŋa mümkındıkter paida bolady", - dedı qala basşysy.
Qala basşysy äue qatynasynyŋ qaita jandanuy biznes bailanystardy küşeitıp, turizm men jolauşylar tasymalyn arttyruǧa, sondai-aq Arqalyqtyŋ tranzittık äleuetın köteruge mümkındık beretının atap öttı.
Sondai-aq «Ahmet Baitūrsynūly atyndaǧy Qostanai halyqaralyq äuejaiy» AQ basqarma töraǧasynyŋ orynbasary Jasūlan Ysqaqov äuejaidyŋ aşyluy äleumettık tūrǧydan da maŋyzdy ekenın jetkızdı.
"Arqalyq äuejaiy ıske qosylǧan soŋ, qala tūrǧyndaryn tūraqty jūmyspen qamtamasyz etu, halyqtyŋ äleumettık jaǧdaiyn arttyru tūrǧysynan da mol paida äkeledı. Bügıngı bos jūmys oryndary järmeŋkesınıŋ nätijesınde köptegen azamattar tūraqty jūmysqa ornalasady. Ärkım özıne qolaily jūmys tauyp, aldaǧy jazda aşylatyn äuejaidyŋ halyqqa sapaly qyzmet körsetuıne üles qosatyn bolady", - dedı ol.
Sonymen qatar jergılıktı «Arqalyq habary» basylymynyŋ jazuynşa, Arqalyq äue ailaǧyna Alaş qairatkerı, ūlt ziialysy Mırjaqyp Dulatūlynyŋ esımı berıluı yqtimal. Jasūlan Ysqaqovtyŋ mälımetınşe, ol 2026 jyldyŋ aqpan aiynan bastap jaŋadan qūrylǧan filial — Mırjaqyp Dulatūly atyndaǧy Arqalyq qalalyq äuejaiynyŋ direktory qyzmetıne kırısedı.
Aita keteiık, Arqalyq äuejaiy XX ǧasyrdyŋ ekınşı jartysynda salynǧan. 1990-jyldardaǧy ekonomikalyq daǧdarys saldarynan äue reisterı sirep, nysan ūzaq uaqyt jūmys ıstemei tūrǧan.
