«Teŋızşevroil» (TŞO) öndırıstık nysandardaǧy elektr energiiasyn taratu jüielerınıŋ keibırınde tuyndaǧan aqaularǧa bailanysty eŋ ırı Teŋız jäne Korolevskoe ken oryndarynda mūnai öndırudı uaqytşa toqtatty, dep habarlaidy "Adyrna" ūlttyq portaly QazTAG agenttıgıne sıltep.
«Teŋızşevroil» (TŞO) saqtyq şarasy retınde Teŋız jäne Korolevskoe ken oryndaryndaǧy öndırıstı uaqytşa toqtatqanyn rastaidy. Būl şeşım öndırıstık nysandardaǧy elektr energiiasyn taratu jüielerınıŋ jekelegen bölıkterıne äser etken jaǧdaiǧa bailanysty qabyldandy», – dep mälımdedı «TeŋızŞevrOil» JŞS baspasöz qyzmetı.
Kompaniianyŋ mälımetınşe, zardap şekkender joq. Qazırgı uaqytta TŞO-nyŋ tehnikalyq qyzmetterı oqiǧanyŋ alǧaşqy sebebın anyqtau jūmystaryn jürgızıp jatyr.
«TŞO atalǧan jaǧdaidyŋ yqtimal saldaryn azaitu maqsatynda memlekettık organdarmen tyǧyz bailanysta. Teŋız ken orny men barlyq öndırıstık nysandar qauıpsız küide jäne senımdı qorǧalǧan», – dep qorytyndylady kompaniia ökılderı.
Eske sala keteiık, 18 qaŋtar künı Teŋızdegı alyp mūnai-gaz ken ornynda ört şyqqan bolatyn.
