Qarjy naryǧyn retteu jäne damytu agenttıgı merzımdı äskeri qyzmetke şaqyrylǧan azamattar turaly mälımettermen almasu qaǧidalaryn bekıtu jönındegı qauly jobasyn qoǧamdyq talqylauǧa şyǧardy, dep habarlaidy "Adyrna".
Qūjatta Qorǧanys ministrlıgı men kredittık biurolar arasyndaǧy aqparat almasu tärtıbı naqty körsetılgen. Būl mehanizm äskeri qyzmet kezeŋınde qaryzdar boiynşa tölemdı keiınge qaldyruǧa jäne jeke tūlǧanyŋ kredittık esebınde tiıstı märtebenı körsetuge arnalǧan.
Qauly jobasyna säikes, bankter men mikroqarjy ūiymdary şaqyrtu alǧan azamattyŋ kredit alu jönındegı ötınımın qaraǧanda, onyŋ kredittık esebındegı märtebesın tekseruı qajet. Eger jeke tūlǧa merzımdı äskeri qyzmette ekenın körsetetın aqparat bolsa, kredit beru ötınımı qabyldanbaidy.
Agenttık mälımetınşe, būl bastama «Qazaqstan Respublikasyndaǧy bankter jäne bank qyzmetı turaly» Zaŋ talaptaryn ıske asyruǧa baǧyttalǧan jäne äleumettık-ekonomikalyq nemese qūqyqtyq jaǧynan terıs saldar tudyrmaidy.
Eske salsaq, ötken jyly merzımdı äskeri qyzmettegı azamattardyŋ 9 mlrd teŋgeden astam nesiesı tölemdı keiınge şegerumen räsımdelgen bolatyn.
