Qazaqstan Respublikasy Ǧylym jäne joǧary bılım ministrı Saiasat Nūrbek Qysqy universiada kezınde qazaqtyŋ tuyn kökte jelbıretken student-cportşylardy äuejaida qarsy aldy. Olardy jeŋısımen qūttyqtap, el mereiın asqaqtatqan azamattarǧa alǧys jaudyrdy, dep habarlaidy "Adyrna" ūlttyq portaly.
AQŞ-tyŋ Leik-Plesid qalasynda ötken Qysqy universiada jeŋımpazdary abyroi arqalap, Otanyna keldı. Olardy ministr Saiasat Nūrbektıŋ özı äuejaida qarsy aldy.
Dübırlı dodada el namysyn 78 sportşy qorǧady. Onyŋ ışınde şaŋǧymen jarysudan - 14, şort-trekten - 12, biatlonnan - 9, mänerlep syrǧanau men konkimen jügıruden - 6, snoubord, tau şaŋǧysy sporty, tūǧyrdan sekıru men qossaiystan - 2, şaibaly hokkeiden 23 qazaqstandyq student jarys jolyna şyqty.
Sport saiysynyŋ qorytyndysyna kelsek, Qazaq elınıŋ sportşylary 11 jeŋıp medal aldy. Olar üş altyn, tört kümıs, tört qola medaldı qanjyǧalady. Nätijesınde medaldar kestesınde on bırınşı orynǧa tūraqtap, joǧarǧy jetıstıkterdı eŋserdı.
"Adyrna" ūlttyq portaly
Ūqsas jaŋalyqtar
