Astanada qytai tılınen qazaqşaǧa audarylǧan kıtaptyŋ tūsauy kesıldı, dep habarlaidy “Adyrna” ūlttyq portaly.
Qytai Halyq Respublikasynyŋ Töraǧasy Si Szinpinnıŋ «Memlekettık basqaru turaly» atty 4 tomdyq kıtabynyŋ qazaq tılındegı nūsqasynyŋ resmi tūsaukeserı öttı. Is-şara Nazarbaev Universitetınde ūiymdastyrylyp, oǧan Qytai men Qazaqstannyŋ saiasi partiialary, būqaralyq aqparat qūraldary, analitikalyq ortalyqtary men joǧary oqu oryndarynan 300-ge juyq ökıl qatysty.
Tört tomdyq eŋbek Qytaidaǧy «Ūlttar baspasy» men qazaqstandyq «Foliant» baspasynyŋ bırlesken eŋbegı nätijesınde qazaq tılıne audarylǧan. Bügınde būl kıtap älemnıŋ 42 tılıne tärjımalanǧan.
Kıtapta Si Szinpinnıŋ 2012 jyldan bergı söilegen sözderı, nūsqaulary, sūhbattary men hattarynan üzındıler jinaqtalǧan. Eŋbekte QHR töraǧasynyŋ ışkı jäne syrtqy saiasat, sondai-aq äleumettık-ekonomikalyq damu strategiialary jönındegı közqarastary körınıs tapqan.
Jinaqta sondai-aq Si Szinpinnıŋ 2013 jyly Nazarbaev Universitetınde söilegen sözı de bar. Däl sol jerde Qytai basşysy alǧaş ret «Bır beldeu, bır jol» atty jahandyq sauda-infraqūrylymdyq bastamasyn jariialaǧan bolatyn.
Halyqaralyq «Astana» ǧylymi keşenınıŋ prezidentı Serık İrsaliev būl oqiǧanyŋ tarihi maŋyzyna toqtalyp, bastamanyŋ jüzege asuyna on jyldan astam uaqyt ışınde eleulı jetıstıkterge qol jetkızılgenın atap öttı.
Al Astanadaǧy Qytaidy zertteu ortalyǧynyŋ direktory Gülnar Şaimergenova būl bastama bügınde älemnıŋ 150-den astam elın bırıktırıp otyrǧanyn, al Qazaqstan onyŋ alǧaşqy qoldauşylarynyŋ bırı bolǧanyn aitty.
Ūqsas jaŋalyqtar
