Densaulyq saqtau ministrı Aqmaral Älnazarova men Japoniianyŋ Qazaqstandaǧy elşısı İidzima Iаsusama Abai oblysynda medisinalyq infraqūrylymdy damytuǧa 1,087 mlrd ien (7 mln dollar) mölşerınde grant beru turaly ükımetaralyq kelısımdı ıske asyruǧa baǧyttalǧan qūjatqa qol qoidy, dep habarlaidy “Adyrna”.
DSM aqparatynşa, grant aqşasyna Semei medisina universitetınıŋ gospitalıne arnalǧan joǧary tehnologiialyq medisinalyq jabdyqtar satyp alynady. Oǧan MRT, KT, endoskopiialyq, reanimasiialyq jäne özge de jabdyqtardy qosa alǧanda, zamanaui diagnostikalyq jäne emdeu jüielerı kıredı.
«Būl öŋırde iadrolyq synaqtardan zardap şekken adamdarǧa zamanaui, sapaly medisinalyq kömek körsetuge mümkındık beredı. Iаǧni, olar qajettı tekseru men emdı öz öŋırınde ala alady», - delıngen habarlamada.
Būǧan deiın «Şöp tamyry» adam qauıpsızdıgın qamtamasyz etu boiynşa öteusız kömek baǧdarlamasy aiasynda Japoniia Jambyl oblystyq qan ortalyǧyna 6 68,790 dollar kölemınde grant bölgen edı. Būl aqşaǧa qan trombositterın saqtauǧa arnalǧan 5 apparat satyp alyndy.
Sondai-aq oǧan deiın Japoniia ükımetı bölgen granttarǧa Semei qalasyndaǧy jedel järdem auruhanasyna medisina qyzmetkerlerın şaqyrtu jüiesı satyp alyndy, Akademik N. Batpenov atyndaǧy Ūlttyq travmatologiia jäne ortopediia ǧylymi ortalyǧynda kompiuterlık tomografiia kabinetı jäne basqalar aşyldy.
Būdan bölek, klinikalyq zertteulerdı, jabdyqqa servistık qyzmet körsetudı, JICA bılım beru baǧdarlamalaryn jäne jasandy intellekt negızınde telemedisinalyq şeşımderdı bırıktıre alatyn Japan-Kazakhstan Medical Hub qūru jobasy qarastyrylyp jatyr.
Qazaqstannyŋ Densaulyq saqtau ministrlıgı Japoniia ükımetıne medisina salasyna körsetken kömegı üşın alǧys bıldırdı. Qazaqstan aldaǧy uaqytta medisinalyq turizm, zamanaui tehnologiialar, sifrlandyru, jasandy intellekt pen telemedisina baǧyttary boiynşa Japoniiamen yntymaqtastyqty keŋeituge daiyn, dep atap öttı vedomstvo.
