QR Prezidentı janyndaǧy Ortalyq kommunikasiialar qyzmetınde ötken brifing barysynda ŞQO äkımı Danial Ahmetov densaulyq saqtau salasyndaǧy bes baǧytty damytuǧa basymdyq berıletının atap öttı.
Aimaq basşysy densaulyq saqtau salasyn örkendetu eŋ basty mındetterdıŋ bırı ekenın aitty. Osy maqsatta oblysta 3 jyldyq keşendı jospar jasalǧan. 2016 jyldan bastap emhanalardy halyqaralyq standarttarǧa säikes jabdyqtau jäne emdeu barysynda qoldanylatyn aldyŋǧy qatarly tehnologiialardy investisiialau, älemdegı ozyq emhanalar men elımızdegı jetekşı klinikalarda mamandardy qaita daiarlaudan ötkızu jūmystary jürgızılude. Sonymen qatar sifrlandyru kezeŋ-kezeŋımen ıske asyryluda. Bügınde öŋırımızde respublikadaǧy joǧary tehnologiialarmen jabdyqtalǧan ǧylymi ortalyqtardyŋ filialdary aşyluda. Sondai-aq öŋırdegı medisinalyq mekemeler JCI standarty boiynşa qyzmet körsetude.
- Oblystyq baǧdarlamany ıske asyru maqsatynda 22,3 mlrd.teŋge bölınıp, 1080 qūral alyndy. Būl tiıstı nätijesın berdı. Osylaişa, joǧary tehnologiialy medisinalyq tehnika kölemı 2,5 ese artyp, halyqaralyq audit jūmystarynyŋ 85 paiyzy oryndaldy. Aǧymdaǧy jyl soŋyna deiın būl körsetkış 100 paiyzdy qūramaq, - dedı Danial Ahmetov.
Medisinalyq ūiymdardy jabdyqtau medisinalyq ortalyqtardyŋ qūrylyp, halyqaralyq standarttarǧa säikes joǧary sapaly medisinalyq qyzmet körsetuıne mümkındık berdı. Öŋırde robotty hirurgiia ortalyǧy, köpjaraqat pen ortopediia ortalyqtary aşyldy. Altai men Aiagöz audandarynda II deŋgeidegı insult ortalyqtary boi köterdı. Sondai-aq nauqastardyŋ diagnozyn anyqtau maqsatynda onkologiia jäne hirurgiia ortalyǧynda MRT ıske qosyldy. Semeidegı jedel medisinalyq järdem auruhanasynda gibridtı hirurgiialyq operasiialar jasau üşın jaŋadan zal aşyldy. Jekemenşık serıktestık aiasynda oftalmohirurgiia ortalyǧy qoldanysqa berıldı. Atalmyş mekeme zamanaui qūral-jabdyqtarmen qamtamasyz etıldı. Onda joǧary bılıktı mamandar jūmys ısteidı. Semeide 200 oryndyq balalar auruhanasynyŋ qūrylysy aiaqtaluǧa jaqyn. Būdan bölek Öskemende 300 adamǧa arnalǧan köpsalaly auruhanany salu mäselesı qarastyryluda. 2021 jyly Semei iadrolyq medisinalyq ortalyǧynyŋ qūrylysy aiaqtalady. Sonymen qatar aimaqta onkologiia, kardiologiia, bosandyru jäne bala, audandyq auruhanalardaǧy bas därıgerlerge arnalǧan menedjment üş kezeŋge arnalǧan baǧdarlama negızınde oqytyluda. Oqudyŋ bırınşı kezeŋınde 3,7 myŋ därıger Semeidegı medisina universitetı men respublikalyq ǧylymi zertteu institutynda bılım aldy. Ekınşı kezeŋde 1,5 myŋ därıger 86 şeberlık synybyna qatysty. Oǧan qazaqstandyq jäne älemdık deŋgeidegı bılıktı mamandar tartyldy. Därıs oblystaǧy emhanalardyŋ bazasynda öttı. Üşınşı kezeŋde 276 maman Ūlybritaniia, Germaniia, Japoniia, İtaliia, Polşa, Litva men İzrail elderıne baryp, bılıktılıkterın arttyryp qaitty. Al 2020 jyly 300 medisina qyzmetkerın şetelge jıberıp oqytu josparlanuda. Qazırgı künı medisinalyq mekemeler "Altyn standart" JCI halyqaralyq standarty boiynşa akkreditasiiadan ötude. Äzırşe būl jūmystar Semeidegı jedel järdem auruhanasynyŋ bazasynda jürgızılude. 2021 jylǧa deiın däl osyndai medisinalyq qyzmet körsetu standarty Öskemendegı ana men bala ortalyǧyna keluşılerge de körsetılmek.
- Aita keteiık, 3 jyldyq keşendı jospar qūrudyŋ nätijesınde säbi ölımı 22%, endı ǧana paida bolǧan qaterlı ısık körsetkışı 4,5% azaidy. Onyŋ aldyn alu üşın diagnostikalau men emdeudıŋ 130 myŋnan astam jaŋa türı engızıldı. Sondyqtan tūrǧyndar medisinalyq qyzmet körsetu sapasynyŋ damuyna 134% berıp, köŋılderı tolǧanyn körsetıp otyr. Al qaterlı ısıktı erte bastan anyqtau jūmysy 106% qūrady, - dep qortyndylady Danial Ahmetov.
«Adyrna» portaly
Ūqsas jaŋalyqtar
