Japonııa alǵash ret ǵarysh kemesin aıǵa qondyrdy, dep habarlaıdy “Adyrna” ulttyq portaly "Golos Amerıkı" saıtyna silteme jasap.
Japondyq ǵarysh agenttigi ǵarysh qondyrǵyshynyń aıda ekenin aıtqanmen, biraq onyń jaǵdaıy týraly áli habarlaǵan joq.
Bul Japonııanyń aeroǵaryshtyq zertteýler agenttiginiń jıyrma jyldyq jumysynyń jemisi.
Smart Lander for Investigating MOON apparaty (SLIM) - jolaýshylar kóliginiń kólemindeı jeńil ǵarysh modýli. Ol kez kelgen aldyńǵy aı mıssııasyna qaraǵanda áldeqaıda kóp baqylaýdy qamtamasyz etetin "núktelik qoný" tehnologııasyn paıdalanady. Osylaısha Japonııa AQSh, Reseı, Qytaı jáne Úndistannan keıin Aıǵa qonǵan besinshi el boldy.
JAXA málimdegendeı, mıssııanyń basty maqsaty – aıǵa "ońaı jerge emes, qalaǵan jerge" qonýǵa múmkindik beretin jańa qoný tehnologııasyn synaý. Qonǵannan keıin ǵarysh kemesi aıdyń shyǵý tegi týraly bilimdi tolyqtyrý úshin topyraq úlgilerin zertteıdi, sonyń ishinde arnaıy kameranyń kómegimen mıneraldardy taldaıdy.
Aıta ketý kerek, sáýirde japondyq kompanııa ázirlegen ǵarysh kemesi aıǵa qoný kezinde apatqa ushyraǵan edi. Sondaı-aq jańa flagmandyq zymyran naýryz aıynda debıýttik ushyrylymyn sátsiz aıaqtaǵan bolatyn.
”Adyrna” ulttyq portaly
