Soltústik Koreıa Japon teńizine ballıstıkalyq zymyran ushyrdy. Bul týraly Yonhap agenttigi jarııalady, dep habarlaıdy “Adyrna” ulttyq portaly.
Osy aqparatty Soltústik Koreıanyń zymyrandyq áreketin baqylaıtyn Ońtústik Koreıanyń Birikken shtab bastyqtary da rastady. Zymyrannyń ushý qashyqtyǵy, bıiktigi men jyldamdyǵy týraly ázirge aqparat joq.
Málimet boıynsha, Phenıan Seýldiń ótken aptada qatty otyndy ǵaryshtyq zymyran ushyrýyna jaýap retinde óziniń atys kúshin kórsete bastady.
31 jeltoqsan kúni tańerteń Soltústik Koreıa Japonııaǵa qaraı qysqa qashyqtyqtaǵy úsh ballıstıkalyq zymyran ushyrǵan. Snarıadtar maksımaldy 100 shaqyrym bıiktikte 350 shaqyrym ushyp, odan keıin Japonııanyń erekshe ekonomıkalyq aımaǵynan tys teńizge qulady.
