2025 jylǧy 17–21 qaraşa aralyǧynda Ūiǧyr audanynda audannyŋ 90 jyldyq mereitoiyna arnalǧan bes kündık auqymdy forumdar seriiasy öttı. Is-şaralar mädeniet, bılım, sport, käsıpkerlık jäne qoǧamdyq damu salalaryn qamtydy. Negızgı basqosular Chundja auylynyŋ Mädeniet üiınde, sondai-aq audannyŋ özge de alaŋdarynda ūiymdastyryldy. Baǧdarlamanyŋ basty maqsaty – Ūiǧyr auanynyŋ ruhani äleuetın ılgerıletu, ūlttyq qūndylyqtardy därıpteu, ǧylym men şyǧarmaşylyqty qoldau jäne ösıp kele jatqan ūrpaqqa dūrys baǧyt-baǧdar beru boldy.
Forumdar aiasynda bılım beru jüiesınıŋ jetıstıkterı men ǧylymi zertteulerge arnalǧan pıkırtalas alaŋdary jūmys ıstedı. Qazaqstanda jäne şetelde bılım alyp jürgen jas ǧalymdardyŋ qatysuymen plenarlyq otyrystar öttı. Qonaqtarǧa bılım beru ūiymdarynyŋ körmelerı ūsynylyp, jetekşı professorlar men ǧalymdar mazmūndy baiandamalar jasady. Sonymen qatar, 9–11 synyp oquşylaryna arnalǧan tanymdyq jäne käsıbi baǧyttaǧy seksiialar ūiymdastyryldy.
Ädebiet pen mädeniet künı aiasynda audannan şyqqan aqyndar, jazuşylar, akterler men öner qairatkerlerınıŋ qatysuymen şyǧarmaşylyq kezdesu öttı. Jiynda ūlttyq ruh, önerdıŋ qoǧamdyq damudaǧy rölı jäne ūrpaqtar sabaqtastyǧy mäselelerı söz boldy.
Sport pen densaulyq künıne arnalǧan ıs-şaralarda dziudo, boks jäne qazaq küresı boiynşa şeberlık sabaqtary men körsetılımder ūiymdastyryldy. Jas sportşylar tälımgerlermen jäne qoǧam qairatkerlerımen kezdesıp, olardyŋ ömırlık täjıribesı men motivasiialyq keŋesterın tyŋdady. Aşyq sport alaŋdarynda tūrǧyndarǧa arnalǧan jattyǧular ötkızıldı, būl öz kezegınde salauatty ömır saltyn nasihattauǧa yqpal ettı.
Auyl şaruaşylyǧy men käsıpkerlık künı äielderdıŋ biznes pen auyldyq bastamalardy damytudaǧy rölıne arnaldy. Forumǧa qatysuşy äielder käsıpkerlıktıŋ mümkındıkterın, ekonomikalyq belsendılıktı arttyru mäselelerın jäne qoǧamdyq ömırdegı äielderdıŋ äleumettık maŋyzyn talqylady. Osy künı marapattau räsımderı ötıp, otandyq tauar öndıruşılerdıŋ körmesı ūiymdastyryldy.
21 qaraşada ötken qorytyndy ıs-şara forumdar seriiasynyŋ basty tüiını boldy. Qonaqtarǧa «Mädeniet – ūlt ainasy» atty körme ūsynylyp, «Tarih paraqtaryndaǧy 90 jyl» atty derektı film körsetıldı. Audannyŋ bolaşaq damu modelıne arnalǧan jasandy intellekt AiSharyn äzırlegen sifrlyq joba köpşılıktıŋ erekşe qyzyǧuşylyǧyn tudyrdy. Merekelık baǧdarlama «Şaryn – şattyq mekenı» atty konsertpen aiaqtaldy.
Bes künge sozylǧan auqymdy baǧdarlama Ūiǧyr audanynyŋ mädeni mūrasyn, qazırgı äleuetın jäne bırlık, jaŋaru men jasampazdyqqa negızdelgen damu ūmtylysyn keŋınen tanytqan maŋyzdy oqiǧa boldy.
