Áleýmettik jelide Qazaqstan azamaty atanýda qıyndyqqa tap kelgen bir top qandastarymyzǵa qatysty vıdeo tarap jatyr. Vıdeony jýrnalıst Symbat Baıjókenov bólisti. Qandastardyń aıtýynsha, aılap-aptalap jınaǵan qujattardy jergilikti mıgraııa qyzmeti joǵaltyp jibergen. Kóshi-qon qıyndyqtarynan ábden zárezap bolǵan azamattardy ashý qysyp, shý kóterdi, dep habarlaıdy "Adyrna" ulttyq portaly.
Shýǵa toly jıyn Almaty oblysynyń Shelekte aýylynda boldy. Jýrnalıstiń jazýynsha, 200-ge jýyq qandastarymyzdyń azamattyq ala almaı júrgenine jylǵa jýyq ýaqyt bolypty. Onyń ústine, jergilikti kóshi-qon qyzmeti bar qujatty joǵaltyp jibergen.
- Almaty oblysy, Shelek aýylynda 200-ge jýyq qandasymyz bir ınspektordyń kesirinen eki jyldan beri Qazaqstan azamattyǵyna qol jetkize almaı júr. Ózbekstan men Qytaıdan qonys aýdarǵan qazaqtar bir jyl buryn qyzmetinen shettetilgen mıgraııa ınspektory jumysyn ary qaraı jalǵastyryp, qujattardy qabyldaı bergenin aıtady. Atajurttyń azamaty ataný armanǵa aınaldy degen aǵaıyn Dáýlet esimdi ınspektor deldaldar arqyly aýyzbastyryq alyp otyrǵanyn da jetkizdi. Endi osy qyzmetkerdi shýlaǵan jurt tappaı sabylyp júr. Kóbiniń aılap júrip jınaǵan býma-býma qujattary da joǵalǵan. Al, kósheni basyna kóterip, aıǵaıǵa basqan myna áıel kóshi-qon qyzmetinde jumys istemeımin dep bet baqtyrmaı, tilshilerge tap berdi. Tózimi taýsylǵan qandastarymyz "nege ótirik aıtasyń, qujatty saǵan berdik qoı" dep shýlady, - dep jazdy Cymbat Baıjókenov.
Ataýly oqıǵaǵa qatysty quzyrly mekemeler áli resmı aqparat bergen joq.
"Adyrna" ulttyq portaly
