Qazaqstanda koronavirus infeksiiasyna bailanysty epidemiologiialyq jaǧdai turaly Densaulyq saqtau ministrlıgı mälımdeme jasady, dep habarlaidy "Adyrna" ūlttyq portaly.
Ministrlıktıŋ baspasöz qyzmetı qazırgı uaqytta jaǧdai tūraqty ekenın, alaida mamandar Qazaqstanda da, älemde de auruşaŋdyq deŋgeiıne apta saiyn monitoring jürgızıp otyrǧanyn atap öttı. Aptasyna respublika boiynşa orta eseppen 25 jaǧdai tırkeledı.
«2025 jyldyŋ basynan berı elımızde koronavirus infeksiiasynyŋ 329 rastalǧan jaǧdaiy tırkeldı. Ölım jaǧdailary bolǧan joq. 2024 jyldyŋ säikes kezeŋımen salystyrǧanda auruşaŋdyq 3,7 ese azaidy», – delıngen ministrlık habarlamasynda.
İnfeksiialyq tösekterdıŋ jüktemesı – 27%, al jansaqtau bölımınde – 2%. Qazırgı kezde koronaviruspen auyryp jatqan ekı nauqas stasionarlyq em qabyldap jatyr, ekeuınıŋ de jaǧdaiy ortaşa auyrlyqta.
Ministrlık mälımetınşe, Qazaqstanda da, bükıl älemde de alǧaş ret 2022 jyly anyqtalǧan «Omikron» ştamynyŋ türlerı älı de ainalymda jür.
«Omikron» ştamy 30-dan astam mutasiiany qamtidy jäne auru jeŋıl ötetındıgımen erekşelenedı. Sondyqtan būl ştam stasionarlyq emdeudı qajet etpeidı. Aurudyŋ negızgı belgılerı – joǧarǧy tynys joldarynyŋ zaqymdanuy, mūryn bıteluı, tamaqtyŋ auyruy, jötel», – dep tüsındırdı mamandar.
