“Qaŋtar oqiǧasy” turaly şyndyqty baiandap jürgen jurnalist Dinara Egeubaevanyŋ kölıgı örtendı. Sebepterı anyqtalmady, dep habarlaidy “Adyrna” ūlttyq portaly.
Bolǧan oqys jaǧdaiǧa qatysty jurnalist Gülmira Abyqai tömendegıdei pıkır bıldırdı.
- Almatyda ärıptesımız Dinara Egeubaevanyŋ aulada tūrǧan kölıgın belgısızder örtep jıberdı. Äiteuır, der mezette jalyn söndırılıp, ört auyzdyqtaldy. Eger, benzin jarylsa jalǧyz Dinara emes qanşa beibıt tūrǧynnyŋ ömırı men mülıgıne zaqym keler edı. Bıreuler qaŋtar oqiǧasynyŋ aqiqatyn aşqany üşın jaza dese, taǧy bırı: Parlamenttık sailau aldyndaǧy ürkıtu; kelesı top: būl kezektı spektakl dep jatyr. Qalai desek te, jurnalistke käsıbi qyzmetı üşın qastandyq jasau dūrys emes! Jurnalistıŋ mındetı aqparat taratu, beru, jetkızu, - dep jazdy avtor.Oqyrmandar būǧan qatysty türlı pıkır jazyp jatyr:
“Būl - saiasi qadam”, “Kölık ışınen janǧan. Toqtardan ūşqyn şyǧuy mümkın. Tehnikalyq aqau”, “Būlardyŋ metody özgermeidı eken. Baltaş Tūrsynbaev Qazaqtyŋ jerın jekege satuǧa tıkelei qarsy bolyp, Halyqtan qol jinap,Jerdı satqyzbaimyn dep bilıkke qarsy şyqqanda, Baltaştyŋ da maşinasy örtenıp edı”, “Zaŋgerler den qūqyqtyq baǧa kütemız: būl terrorma? Bolsa qandai türı? Jurnalisterden aqparattyq qoldau men qoǧamǧa aşyq jariialap Prezidentten örtegen adamdardy tez arada tauyp jazalauyn kütemız. Öitpesek, bız Reseidıŋ jolyna tüsemız. Demokratiialyq jol eşqaşan bolmaidy” dep jazdy olar.
“Adyrna” ūlttyq portaly
Ūqsas jaŋalyqtar
