Densaýlyq saqtaý mınıstri shegirtkeni jeýge qatysty pikir bildirdi, dep habarlaıdy "Adyrna" ulttyq portaly.
11 maýsymda mınıstr Aqmaral Álnazarova Úkimet úıindegi baspasóz máslıhatynda vıe-premer Serik Jumanǵarınniń shegirtkeni «halal as» degen málimdemesine pikir bildirdi.
«Ótken aptada premer-mınıstrdiń orynbasary Serik Jumanǵarın «shegirtke halal, ony jeýge bolady» dep málimdeme jasap, biraz synnyń astyna qaldy. Siz – Qazaqstannyń bas dárigerisiz. Osyǵan qatysty sizdiń pikirińizdi bilsek, shynymen shegirtkeni jeýge bola ma?» - dep surady “Azattyq rýhy” redakııasynyń tilshisi.
Mınıstr jaýap berýden qashqaqtaǵanymen keıinnen BAQ suraǵyna jaýap berdi.
«Áriptester, sizderdi qurmetteımin. Bul suraqty kommentarısiz qaldyrsam... Árbir memlekettiń óziniń dástúri bar. Qazaqqa tán emes dástúr dep bilemin. Sondyqtan qazir onyń zııany, paıdasy bar, halal, halal emes dep aıtýǵa daıyn emespin. Bul meniń quzyretime kirmeıdi», - dedi Densaýlyq saqtaý mınıstri Aqmaral Álnazarova.
