Äsel Janasova Qazaqstan Respublikasy Premer-ministrınıŋ orynbasary – kölık ministrı qyzmetıne taǧaiyndaldy, dep habarlaidy “Adyrna”.
Būl turaly Aqordanyŋ baspasöz qyzmetı habarlady.
Memleket basşysynyŋ tiıstı Jarlyǧyna säikes, Äsel Janasova būryn atqarǧan lauazymynan bosatyldy.
Äsel Janasova 1987 jyly Almaty qalasynda düniege kelgen. 2010 jyly «Bolaşaq» halyqaralyq baǧdarlamasy aiasynda Kembridj universitetınde kompiuterlık ǧylymdar baǧyty boiynşa bılım alǧan. 2014 jyly osy universitette magistraturany aiaqtaǧan. Sondai-aq Mäskeu memlekettık universitetınde Executive Management baǧdarlamasy boiynşa oqyǧan.
Eŋbek jolyn 2010 jyly London qalasyndaǧy halyqaralyq kompaniiada bastaǧan. Är jyldary aqparattyq tehnologiialar jönındegı maman, aqparattyq tehnologiialar basqarmasynyŋ menedjerı jäne kiberqauıpsızdık departamentınıŋ direktory qyzmetterın atqarǧan.
2014–2016 jyldary Qazaqstan Respublikasy Ūlttyq bankınıŋ Sifrlyq tehnologiialar departamentı direktorynyŋ orynbasary boldy. 2016–2017 jyldary «Zerde» ūlttyq basqaruşy holdingınıŋ basqarma töraǧasy qyzmetın atqardy.
2017–2020 jyldary «Astana» halyqaralyq qarjy ortalyǧynda türlı lauazymdarda jūmys ıstedı. 2020–2022 jyldary Sauda jäne integrasiia ministrınıŋ orynbasary boldy.
2022–2025 jyldary «Qazpoşta» AQ basqarma töraǧasy qyzmetın atqardy. 2025 jylǧy 8 mausymda Prezidenttıŋ keŋesşısı bolyp taǧaiyndaldy. Sol jyldyŋ 10 jeltoqsanynda Prezident Äkımşılıgı Basşysynyŋ orynbasary qyzmetıne kırıstı.
Äsel Janasova «Qazaqstan Respublikasynyŋ Täuelsızdıgıne 30 jyl» mereitoilyq medalımen jäne 2025 jyly «Qūrmet» ordenımen marapattalǧan. Sonymen qatar Düniejüzılık ekonomikalyq forumnyŋ Young Global Leader 2025 qauymdastyǧynyŋ jäne Global Women Asia Fellow 2024 halyqaralyq köşbasşylyq baǧdarlamasynyŋ müşesı.
Aita keteiık, būǧan deiın kölık ministrı qyzmetın atqarǧan Nūrlan Sauranbaev lauazymynan kettı.
