Aqtöbelıkter joǧary temperatura men jötel qatar jüretın bırtürlı suyq tiiu dertıne jappai şaǧymdanuda. Būl turaly Diapazon" basylymy jazdy, dep habarlaidy "Adyrna".
Jergılıktı tūrǧyndar, äsırese būl auru balalarda auyr jürıp jatqanyn aitady: dene qyzuy 38°-tan joǧary köterılıp, auyz jappai jöteledı, älsızdık paida bolady.
"Balabaqşada bızdıŋ toptaǧy balalardyŋ jartysyna juyǧy düisenbıde kelmedı. Bärı auyryp jatyr. Eresekter de jötelıp jür. Būl gonkong tūmauy atty jaŋa virus boluy mümkın ekenın estıdım. Rasynda, būl solai ma? Jūqpaly aurular auruhanasyna osy diagnozben adamdardyŋ köptep kelıp tüsıp jatqany da şyn ba?", dedı qala tūrǧyny.Sanitarlyq-epidemiologiialyq baqylau departamentı jurnalisterge qalada Gonkong virusyn jūqtyru jaǧdailary bar ekenın rastady. Bıraq, būl ştammdy jaŋa dep atauǧa bolmaitynyn atap öttı.
"Qazırgı uaqytta oblysta Gonkong virusy dep atalatyn A tiptı tūmaudy (H3N2) jūqtyru jaǧdailary zerthanalyq türde anyqtalyp, rastaldy. Būl - jyl saiyn küz-qys kezeŋınde taralatyn mausymdyq kışı tiptı virus. Ony jaŋa türge jatqyzuǧa bolmaidy, ol mausymdyq tūmaudyŋ būrynnan belgılı ştammdaryna jatady".Oblystyq densaulyq saqtau basqarmasy 12 qaraşadaǧy jaǧdai boiynşa Gonkong virusynyŋ 11 jaǧdaiy zerthana deŋgeiınde rastalǧanyn aitty.
Ūqsas jaŋalyqtar
