Aqtóbe oblysynda jol apaty oryn alyp, saldarynan sheteldik azamattar kóz jumdy. Bul týraly Polıııa qyzmetkerleri málimdedi, dep habarlaıdy “Adyrna” ulttyq portaly.
Málimet boıynsha, keshe Samara – Shymkent avtojolynyń 606-shaqyrymynda Kia Rio avtokóliginiń 34 jastaǵy júrgizýshisi, Tájikstan Respýblıkasynyń azamaty Batys Qazaqstan oblysy jaǵynan Aqtóbe oblysynyń Qobda aýylyna qaraı kele jatqan Ózbekstan Respýblıkasynyń 31 jastaǵy azamatynyń basqarýyndaǵy Chevrolet Captiva avtokóligimen soqtyǵysqan. Apat saldarynan 2 júrgizýshi jáne Chevrolet Captiva jolaýshysy oqıǵa ornynda qaza tapty.
Sondaı-aq eki kóliktiń 2 jolaýshysy ártúrli jaraqattarmen Qobda aýdandyq aýrýhanasyna jatqyzyldy.
Jol-kólik oqıǵasy boıynsha QR QK-niń 345-baby 4-bóligimen sotqa deıingi tergeý bastaldy. Polıııa departamenti kólik júrgizýshilerin jol erejelerin qatań saqtaýǵa shaqyrady, – delingen habarlamada.
