El rämızderıne qūrmet – eljandylyqtyŋ aiǧaǧy

Patriotizm, bırlık pen tūraqtylyq – Qazaqstannyŋ damuy men örkendeuınıŋ basty ruhani tırekterı. Būl qūndylyqtar – ūlttyŋ ırgesın bekıtetın, el bolaşaǧyn aiqyndaityn mäŋgılık baǧyt. Patriotizm – Otanǧa degen şeksız süiıspenşılık, tuǧan jerdıŋ taǧdyryna jauapkerşılıkpen qarau, halyqqa adal qyzmet etu jäne eldıŋ jetıstıgıne quana bılu.
 
​Prezident Qasym-Jomart Toqaev öz sözınde: «Bızdıŋ eŋ basty bailyǧymyz – el bırlıgı men qoǧamdyq kelısım» dep atap ötken. Būl qaǧida ärbır qazaqstandyqtyŋ ömırlık ūstanymyna ainaluy tiıs. Sebebı bırlık pen tūraqtylyqsyz eldıŋ damuy mümkın emes. Bırlık bar jerde tatulyq pen özara tüsınıstık, al tūraqtylyq bar jerde beibıt ömır men senımdı bolaşaq qalyptasady.
​Memlekettık rämızderge qūrmet körsetu – osy qūndylyqtardyŋ aiqyn körınısı. Tu, Eltaŋba jäne Änūran – Qazaqstannyŋ täuelsızdıgı men egemendıgınıŋ, ūlttyq bıregeilıgı men eldık ruhynyŋ basty nyşandary. Olar halqymyzdyŋ tarihyn, erlık dästürın jäne memleketımızdıŋ bolaşaǧyna degen senımın beineleidı. Sondyqtan ärbır azamat memlekettık rämızderge qūrmetpen qarap, olardy qorǧau men därıpteudı özınıŋ azamattyq boryşy dep bıluı qajet.
​Jyl saiyn 4 mausym – Memlekettık rämızder künı respublika kölemınde keŋınen atalyp ötedı. Būl kün elımızde otansüigıştık pen ūlttyq maqtanyş sezımın arttyrudyŋ erekşe merekesıne ainalǧan. Osy oraida elımızdıŋ barlyq öŋırlerınde türlı mädeni-būqaralyq jäne tärbielık ıs-şaralar ūiymdastyrylyp, jastardyŋ boiynda patriottyq sana men elge degen süiıspenşılık sezımın qalyptastyruǧa baǧyttalǧan jūmystar jüielı türde jürgızılude.
​Osy rette Batys Qazaqstan oblysynyŋ Qoǧamdyq damu basqarmasy basşysy Darhan Qanybekūly Qadraliev öŋırde atqarylyp jatqan jūmystar turaly aitty: –Bügıngı taŋda bızdıŋ basty maqsatymyz – qoǧamda patriottyq sana men ūlttyq bıregeilıktı nyǧaitu. Jastarǧa memlekettık rämızderdıŋ mänı men maŋyzyn tüsındıru, eldıŋ tarihy men mädenietın qūrmetteuge baulu – azamattyq tärbienıŋ negızgı baǧyty bolyp tabylady. Bırlık pen tūraqtylyq – kez kelgen tabystyŋ kıltı. Sondyqtan bız qoǧamdaǧy kelısım men tatulyqty saqtau baǧytynda tūraqty türde aqparattyq-tüsındıru jäne tärbielık jūmystar jürgızıp kelemız. Jyl boiy jastarmen elımızdıŋ kök tuyn älem arenasynda jelbıretıp jürgen tanymal sportşylar men öner ielerımen kezdesuler ūiymdastyrylyp, memlekettık rämızderge degen qūrmet pen maqtanyş sezımın arttyru baǧytynda jüielı jūmystar atqaryluda, – dedı Darhan Qanybekūly.
​Patriottyq tärbie – ūlt bolaşaǧynyŋ kepılı. Jastardyŋ el taǧdyryna beijai qaramai, qoǧamdyq ömırge belsene aralasuy – naǧyz azamattyq ūstanymnyŋ körınısı. Olardyŋ boiynda eljandylyqty, jauapkerşılıktı jäne bırlık ruhyn qalyptastyru – memleket pen qoǧamnyŋ ortaq mındetı.
​Patriotizm – elge degen süiıspenşılıktıŋ, bırlık – halyq tatulyǧynyŋ, al tūraqtylyq – memlekettıŋ damuy men örkendeuınıŋ kepılı. Osy üş qūndylyq özara üilesım tapqanda ǧana elımızdıŋ ırgesı berık bolyp, Qazaqstannyŋ bolaşaǧy jarqyn, keleşegı kemel bolmaq.