Foto:advantshop.net
Almatynyŋ Türksıb audanynda esırtkı satatyn internet-resursqa baǧyttaityn QR-kodtar japsyrylǧan paraqşalardy taratqan küdıkpen er adam ūstaldy. Būl turaly Polisiia departamentı jazdy, dep habarlaidy "Adyrna".
Aqparatqa säikes, küdık tudyrǧan japsyrmalardy uchaskelık inspektor äkımşılık aumaqty aralau kezınde baiqaǧan. Tekseru barysynda ondaǧy QR-kodtar esırtkı zattary satylatyn jäne esırtkı resursy jarnamalanatyn saitqa baǧyttaityny anyqtaldy.
Jedel-ızdestıru ıs-şaralarynyŋ nätijesınde polisiia qyzmetkerlerı küdıktınıŋ jeke basyn anyqtap, ony ūstady. Ol Talǧar audanynda tūratyn, jūmyssyz 25 jastaǧy azamat bolyp şyqty. Qūqyq qorǧau organdarynyŋ mälımetınşe, ol esırtkıge täueldı.
Ūstau kezınde er adamnan ärı qarai taratuǧa daiyndalǧan QR-kodtary bar ondaǧan baspahanalyq japsyrma tabylyp, tärkılendı.
Oqiǧaǧa bailanysty qylmystyq ıs qozǧaldy. Küdıktı qamauǧa alyndy.
Polisiia tūrǧyndardy osyndai jaǧdailar turaly habarlauǧa şaqyrdy. Esırtkı resurstaryn jarnamalaityn japsyrmalar tabylǧan jaǧdaida, azamattarǧa mümkındıgınşe olardy özderı alyp tastau nemese 102 nömırıne habarlau ūsynylady.
Qūqyq qorǧau organdarynyŋ aituynşa, joiylǧan ärbır QR-kod tyiym salynǧan zattardyŋ taraluyn şekteuge kömektesedı.
