Atyraýda Qazaqstan týyn ózgertýmen baılanysty áleýmettik jelide taraǵan daýly fotosýretke qatysty kúdiktiler anyqtaldy. Quqyq qorǵaý organdary bul oqıǵa boıynsha qylmystyq is qozǵap, sotqa deıingi tergeý júrgizip jatqanyn málimdedi, dep habarlaıdy "Adyrna" ulttyq portaly.
Atyraý oblystyq polıııa departamentiniń málimetinshe, sýrettegi tórt kúdikti anyqtalyp, polıııa bólimine jetkizilgen. Tergeý qupııalyǵyna baılanysty qosymsha aqparat jarııalanbaıdy.
Daýly fotoda bet-júzin tumshalaǵan birneshe adam Qazaqstan týyn ustap turǵany, alaıda onyń joǵarǵy bóligine Saýd Arabııasynyń týynyń elementteri qosylǵany baıqalǵan.
Qazaqstan Respýblıkasynyń zańnamasyna sáıkes, memlekettik rámizderdi qorlaý 3 000 aılyq eseptik kórsetkishke (AEK) deıingi (2025 jyly 11 796 000 teńge) aıyppul salýǵa nemese 900 saǵatqa deıin qoǵamdyq jumystarǵa tartýǵa, ne eki jylǵa deıin bas bostandyǵynan aıyrýǵa ákep soǵýy múmkin.
Qazirgi tańda quqyq qorǵaý organdary oqıǵanyń mán-jaıyn anyqtaýda.
