Qasym-Jomart Toqaevtyŋ Resei Federasiiasyna memlekettık sapary aiasynda Mäskeu qalasynda «Qazaqstan men Resei dostyǧy» skverınıŋ aşylu saltanaty öttı. Jaŋa saiabaq Mäskeudıŋ Oŋtüstık äkımşılık okrugınde, «Alma-Atinskaia» stansiiasynyŋ maŋynda ornalasqan.
Saltanatty ıs-şaraǧa QR Mädeniet jäne aqparat ministrı Aida Balaeva, RF Federaldyq Jinalysy Federasiia Keŋesı Töraǧasynyŋ bırınşı orynbasary Andrei Iаskin, diplomatiialyq korpus ökılderı, sondai-aq Resei men Qazaqstannyŋ tanymal mädeniet jäne öner qairatkerlerı qatysty.
«Resei men Qazaqstan halyqtarynyŋ dostyǧyna arnalǧan tamaşa skverdıŋ aşylu räsımıne qatysu – men üşın zor märtebe. İgı joba Mäskeu qalasy ükımetınıŋ bastamasymen qolǧa alynyp, Resei Federasiiasynyŋ Syrtqy ıster ministrlıgı qoldauymen jüzege asyp otyr. Būl – ekı el arasyndaǧy strategiialyq ärıptestık pen tatu körşılık qatynastardyŋ joǧary deŋgeiın körsetedı. Skverdıŋ Qazaqstan Respublikasynyŋ Prezidentı Qasym-Jomart Kemelūly Toqaevtyŋ tarihi memlekettık sapary qarsaŋynda aşylyp otyrǧany da erekşe mänge ie. Ärine, Mäskeude de, Reseidıŋ basqa aimaqtarynda da, Qazaqstanda da osyndai qoǧamdyq oryndar az emes. Degenmen, olardyŋ köbırek bolǧany igı, sebebı mūndai nysandar ekı el arasyndaǧy dästürlı dostyq pen ūrpaqtar sabaqtastyǧyn aiǧaqtai tüsedı», – dedı Andrei Iаskin.
Is-şara barysynda Aida Balaeva Resei men Qazaqstandy ǧasyrlar boiy qalyptasqan tatu körşılık dästürlerı men ortaq ruhani qūndylyqtarǧa negızdelgen berık bailanys bırıktıretının aitty. Būl bailanysqa tarihy tereŋde jatqan mädeni yntymaqtastyqtyŋ üzdıksız damuy negızgı tırek bolyp otyr.
Ministrdıŋ pıkırınşe, mädeniet ekı el üşın de aǧartuşylyqqa, ūlttyq bolmys pen bırlıkke bastaityn «ruhani köpırge» ainaldy. Ol öz sözınde osy jyl da halyqtar arasyndaǧy mädeni jäne şyǧarmaşylyq bailanystardyŋ myzǧymas dästürge jäne bai mazmūnǧa ie ekenın taǧy bır märte däleldegenın atap öttı.
Aita ketu kerek, biylǧy mamyr aiynda Astanada «Qazaqstan men Reseidıŋ Mäŋgılık dostyǧy» alleiasy aşylǧan bolatyn.
