Londondaǵy alqabıler soty Reseıdiń tapsyrysy boıynsha tyńshylyqpen aınalysty dep aıyptalǵan úsh Bolgarııa azamatyn kináli dep tapty. Bul top belgili jýrnalıster Roman Dobrohotov pen Hrısto Grozevti ańdyp, Qazaqstanǵa qarsy aqparattyq shabýyl uıymdastyrýǵa tyrysqan degen aqparat taraýda, dep habarlaıdy "Adyrna" ulttyq portaly Azattyq radıosyna siltep.
Sondaı-aq, olar Atyraý oblysynyń burynǵy ákimi, Ulybrıtanııada turyp jatqan Bergeı Rysqalıevti baqylaǵan.
VVS sot qujattaryna silteme jasap, eks-ákim Rysqalıevti ańdý Reseı men Qazaqstan arasyndaǵy baılanysty nyǵaıtý maqsatynda júzege asqan bolýy múmkin dep jazdy. Qazaqstan bıligi úshin saıası opponentterin qýdalaý tıimdi bolǵan degen boljam bar.
Sonymen qatar, bul top Qazaqstan prezıdenti Qasym-Jomart Toqaevtyń ulyna qatysty qaralaý operaııasyn uıymdastyrýdy kózdegen. Telegraph basylymynyń málimetinshe, sottalýshylar jalǵan geı-porno jasaýǵa talpynǵan. Olar tipti geı-klýb ıesinen suhbat alyp, Toqaevtyń uly jaıly jalǵan aqparat aıtqyzýǵa tyrysqan.
Bul jospardan sońynda bas tartqanymen, olar Qazaqstannyń Londondaǵy elshiligi aldynda "jalǵan narazylyq akııasyn" ótkizýdi josparlaǵan. Top músheleri dron arqyly ǵımaratqa shoshqa qanyn tógýdi kózdep, tipti synaq júrgizgen.
Aıyptaýshylardyń aıtýynsha, bul operaııalarǵa tapsyrys bergen – Wirecard tólem júıesiniń burynǵy operaııalyq dırektory Ian Marsalek.
Brıtan prokýrorlarynyń málimetinshe, Bolgarııa azamattary 2020 jyldyń tamyzynan 2023 jyldyń aqpanyna deıin Reseıdiń arnaıy qyzmetterine aqparat jınap, tyńshylyq jasaǵan.
Sottalǵandardyń qatarynda Vanıa Gaberova, Katrın Ivanova jáne Tıhomır Ivanchev bar. Buǵan deıin osy topqa qatysy bar taǵy úsh adam kináli dep tanylǵan.
Ivanova tyńshylyqpen qatar, birneshe jalǵan qujat qoldanǵany úshin de jaýapqa tartyldy. Tergeý materıaldaryna sáıkes, tyńshylar óz qyzmetteri úshin qarjylaı syıaqy alyp otyrǵan.
