Bügın Ūly Jıbek joly saiabaǧynda «Sport künı» merekesıne orai saltanatty şara öttı. Salauatty ömır saltyn nasihattauǧa arnalǧan ıs-şaraǧa sportşylar, jattyqtyruşylar, ardagerler men qala tūrǧyndary qatysty.
Merekelık jiynda älemdık dodalarda Türkıstannyŋ atyn asqaqtatqan sportşylardyŋ jetıstıkterı nasihattalyp, sport salasynyŋ ardagerlerı men sala mamandary, jas sportşylar arnaiy alǧys hattarmen marapattaldy.
Merekelık ıs-şaraǧa Türkıstan qalasy äkımınıŋ orynbasary Mekenhan Qozyhanūly, qalalyq maslihat töraǧasy Ǧappar Amantaiūly qatysyp, sportşylardy, jattyqtyruşylardy jäne qala tūrǧyndaryn qūttyqtap, sport salasynyŋ jetıstıkterıne toqtaldy.
Aita keteiık, Türkıstan qalasynda 265 sport nysany jūmys ısteidı. Onyŋ ışınde «Türkıstan Arena» stadiony, halyqaralyq tennis ortalyǧy, «Mūz saraiy» jäne Bekzat Sattarhanov atyndaǧy sport keşenı bar. Sonymen qatar, qalada 2 sport saraiy, 3 stadion, 5 sport keşenı, 6 jüzu basseinı men 18 tennis korty halyq igılıgıne qyzmet etude.
Sondai-aq, Sporttyq infraqūrylymdy damytu maqsatynda jergılıktı biudjet esebınen 5 jaŋa sport keşenınıŋ qūrylysy jürıp jatyr. Onyŋ bırı – Ä.Nūrmahanov atyndaǧy jaŋa sport keşenı erteŋ paidalanuǧa berılmek.
Ūqsas jaŋalyqtar
