Türkıstan qalasynda zaman talabyna sai jaŋa «A.B.L.» fitnes ortalyǧy aşyldy. Quanyşty sätke oblys äkımı Nūralhan Köşerov qatysyp, jūrtşylyqty qūttyqtady.
– Türkıstan – tek ruhani astana ǧana emes, sonymen qatar sport ortalyǧyna ainalyp kele jatqan öŋır. Memleket basşysy Qasym-Jomart Toqaevtyŋ būqaralyq sportty damytu jönındegı tapsyrmasyna säikes, öŋırımızde sport infraqūrylymynyŋ halyqqa qoljetımdılıgın arttyru baǧytynda naqty jūmystar atqaryluda. Mäselen, byltyr jalpy qūny 73 sport nysanynyŋ qūrylysy aiaqtalsa, al biyl 54 sport nysanyn paidalanuǧa beru josparlanyp otyr. Olardyŋ qatarynda elımızde teŋdesı joq ekı ırı joba – ippodrom men eskek esu kanaly bar. Būl – sportty damytuǧa jäne ūlt densaulyǧyn nyǧaituǧa baǧyttalǧan memleketımızdıŋ berık ūstanymynyŋ aiqyn körınısı. Bız tek sporttyq nysandardy salyp qana qoimai, olardyŋ tiımdı jūmys ısteuıne jäne tūrǧyndar üşın qoljetımdı boluyna erekşe män berıp kelemız. Būl keşen – Türkıstan qalasy tūrǧyndarynyŋ densaulyǧyn nyǧaityp, jastardyŋ sportqa degen qyzyǧuşylyǧyn arttyratyn maŋyzdy orynǧa ainalatynyna senımdımın, – degen oblys äkımı qala tūrǧyndaryn salauatty ömır saltyn ūstanuǧa, sportpen jüielı türde ainalysuǧa şaqyrdy.
Zamanaui talaptarǧa sai salynǧan fitnes ortalyǧynda sportpen şūǧyldanuǧa, salamatty ömır saltyn ūstanuǧa barlyq jaǧdai jasalǧan. Jattyǧu zaldary, voleibol jäne jekpe-jek zaly bar. Sonymen bırge bassein jäne özge de dene şynyqtyruǧa qajettı qūrylǧylarmen, bölmelermen qamtylǧan.
Ūqsas jaŋalyqtar
