Taldyqorǵan qalasynyń ınfraqurylymdyq nysandaryn aralaý aıasynda Jetisý oblysynyń ákimi Beıbit Isabaev oblys ortalyǵynyń soltústik-batys bóliginde ornalasqan Qyzyltas shatqalyna qatysty jaǵdaıǵa pikir bildirdi. Óńir basshysynyń aıtýynsha, petroglıfter turǵan jerlerde dıorıt óndirýge múldem tyıym salynady. Endi Qyzyltastyń biregeı petroglıfteri jergilikti mańyzy bar erekshe qorǵalatyn tarıhı-mádenı nysandar tizimine engizildi.
"Ulttyq Quryltaıdyń úshinshi otyrysynda el Prezıdenti baı mádenı muramyzdy saqtaý úshin biregeı tarıhı nysandarymyzdy, atap aıtqanda petroglıfterdi búliný men vandalızmnen qorǵaý kerektigin atap ótti. Ekologtarmen, jurtshylyqpen, quzyrly organdarmen birlesip, «Tasbaqa» tas pen jartastaǵy petroglıfterdi saqtaý úshin qajetti sharalardy qabyldadyq. Karerdi ıgerý zań aıasynda toqtatyldy. Tıisti sot sheshimi bar. Iaǵnı, birlesken kúsh-jigerdiń arqasynda bul máseleniń de mánisi tabylady. Endi «Tasbaqa» tasty birinshi kezekte jergilikti, odan keıin oblystyq mańyzy bar erekshe qorǵalatyn tarıhı-mádenı nysandar tizimine engizý úshin jumys jasaıtyn bolamyz. Aldaǵy ýaqytta biz qala turǵyndarynyń súıispenshiligine bólengen bul biregeı nysandy odan ári damytyp, qalaı saqtaý kerektigin josparlaımyz", – dedi oblys ákimi B. Isabaev.
Aımaq basshysy 3 qazanda Qyzyltas jotasynyń boıynda «Taza Qazaqstan» respýblıkalyq akııasy aıasynda ekoakııa ótetin aıtty. Sonymen qatar, barsha qala turǵyndaryn «Tasbaqa» tasty saqtaý úshin mańyzdy sharaǵa qatysýǵa shaqyrdy.
Jetisý oblysy ákiminiń baspasóz qyzmeti
