Türkıstan qalasynyŋ äkımı Äzımbek Pazylbekūly qala aumaǧynda boi köterıp jatqan jaŋa ippodrom men qolönerşıler ortalyǧynyŋ kommunaldyq-infraqūrylym baǧytyndaǧy qūrylys barysyn tekserdı.
Aldymen şahar basşysy ippodrom maŋyndaǧy jol qūrylysynyŋ barysymen tanysty. Jalpy aumaǧy 99 gektardy qūraityn ippodrom keşenınde ūzyndyǧy şamamen 4 şaqyrym bolatyn bäige joly, 1500 oryndyq aşyq tribuna, 120 oryndyq jabyq manej, 100 jylqyǧa arnalǧan atqoralar jäne jattyǧu alaŋdary qarastyrylǧan. Joba at sportyn damytuǧa, sondai-aq körermenderge qolaily jaǧdai jasauǧa baǧyttalǧan.
Qazırgı taŋda qūrylys jūmystary josparǧa säikes jürgızılude. Jaŋa ippodromdy 2026 jyldyŋ qaŋtar aiynda paidalanuǧa beru josparlanyp otyr.
Nysan basynda merdıger mekeme ökılderımen kezdesken şahar basşysy qūrylys sapasy men merzımnıŋ qataŋ saqtaluyn, sondai-aq keşennıŋ zamanaui talaptarǧa sai ärı köpfunksionaldy türde salynuyn qamtamasyz etudı tapsyrdy.
Sonymen qatar, qyrküiek aiynda paidalanuǧa berıletın «Qolönerşıler qalaşyǧy» keşenınıŋ qūrylys alaŋyna baryp, jürgızılıp jatqan syrtqy ärleu jūmystarymen tanysty. Jalpy aumaǧy 2,3 gektardy qūraityn nysannyŋ qūrylys jūmystary 1,5 gektar aumaqta jürgızılude. Turistık jäne mädeni baǧyttaǧy keşen 8 negızgı funksionaldy bölıkten tūrady. Mūnda 20 şeberhana, 2 şourum, körme zaly, meiramhana, qonaqüi jäne özge de qajettı infraqūrylym qarastyrylǧan. Sondai-aq, öŋırlık erekşelıkterdı eskere otyryp, arnaiy brendtık katalog äzırlenıp, ūlttyq kädesyilar naryqqa şyǧarylatyn bolady.
Äzımbek Pazylbekūly jauapty sala mamandaryna qūrylys sapasyn arttyrudy, belgılengen merzımdı qataŋ saqtaudy jäne keşennıŋ mazmūndyq tūrǧydan joǧary deŋgeide ūiymdastyryluyn qamtamasyz etudı tapsyrdy.
Ūqsas jaŋalyqtar
