Oblys ákimi Ońdasyn Orazalın Aqtóbe qalasyn aralap, oblys ortalyǵynyń áleýmettik jáne ınfraqurylymdyq damýy boıynsha birqatar jobalardyń júzege asyrylýymen tanysty dep habarlaıdy "Adyrna" ulttyq portaly.
Jumys sapary Jańaqonys-3 turǵyn úı alabynyń gazben qamtý jelileriniń qurylysyn qaraýdan bastaldy. Joba tamyz aıynda bastalǵan, bıyl qazan aıynda aıaqtalady dep josparlanyp otyr. Joǵary jáne ortasha qysymdaǵy barlyǵy 43 myń gaz jelisi tartylmaq.
Aıta keteıik, osy jyly Aqtóbede turǵyn úı alaptaryndaǵy ınjenerlik ınfraqurylymdardy damytatyn birqatar jobalar júzege asyrylýda. Atap aıtqanda, Jańaqonys-3 turǵyn úı alabymen qatar Qýraıly, Qurashasaı, Aqshat-3 pen Aqjar+ aýyldarynda da gazben jabdyqtaý jobalary júzege asyrylyp jatyr. Al Batys-3 shaǵyn aýdanynda, Zarechnyı-1 jáne Zarechnyı-2 turǵyn úı alaptarynda, Qurashasaı men Qýraıly aýyldarynda sýmen jabdyqtaý jáne sý tartý jelileriniń qurylysy boıynsha aýqymdy jobalar júrgizilip, Saıa turǵyn úı alabynda, sondaı-aq Raýan, Aqjar+, Qurashasaı, Qýraıly aýyldarynda jańadan elektr jelileri tóselýde.
Sonymen qatar bıyl Jańaqonys-4 jáne Jańaqonys-5, Baýyrlastar-5, Shyǵys-1, Aqjar+ turǵyn úı alaptaryn kógildir otynmen, Shyǵys-1, Janaqonys-5, Baýyrlastar-5 jáne Sarbaz turǵyn úı alaptaryn jaryqpen qamtýǵa qarajat bólinip, jobalardy júzege asyrý bastalmaq.
Oblys ákimi qala basshylyǵyna jobalardy kórsetilgen merzimde sapaly aıaqtaýdy tapsyrdy.
Keıin óńir basshysy Batys-2 shaǵyn aýdanyndaǵy «Ýnıver» medıınalyq ortalyǵy emhanasynyń qurylysymen tanysty. Nysan jeke ınvestıııa esebinen turǵyzylyp jatyr. Jańa medıına mekemesiniń jalpy aýmaǵy — 2 myń sharshy metr. Emhana keminde 25 myń adamǵa medıınalyq qyzmet kórsetetin bolady.
— 150-den astam jańa jumys orny ashylady. Alǵashqy medıınalyq-sanıtarlyq kómektiń barlyq qyzmeti qarastyrylǵan. Jalpy tájirıbelik dárigerlerdiń, hırýrgııa men ýrologııa, pedıatrııa, ońaltý jáne fızıkalyq em qabyldaý kabınetteri jumys jasaıtyn bolady. Dıagnostıkalyq jabdyq ákelindi, ári qaraı magnıttik-rezonanstyq jáne kompıýterlik tomografııa ortalyqtaryn iske qosý, ambýlatorııalyq hırýrgııany damytý josparlanyp otyr, — dedi oblystyq densaýlyq saqtaý basqarmasynyń basshysy Rústem Isaev.
Bıyl Memleket basshysynyń buqaralyq sportty damytý boıynsha tapsyrmasyn júzege asyrý aıasynda Batys-2 shaǵyn aýdanynda fızıkalyq múmkindigi shekteýli jandarǵa arnalǵan sport kesheniniń qurylysy bastaldy. Búginde jalpy aýmaǵy 4,6 myń sharshy metrdi quraıtyn eki qabatty ǵımarattyń irgetasyn qalaý jumystary bastalyp ketti. Sport kesheninde sporttyq, jattyǵý zaldarynan bólek alańy 400 sharshy metr bolatyn basseın bar.
Oblys ákimi bul kúni Áýe qalashyǵy aýdanyndaǵy jańa qazandyqty da qarap shyqty. Nysan áli aıaqtalmaǵan. Osyǵan oraı óńir basshysy bul baǵyttaǵy jumystardy jeltoqsan aıyna deıin paıdalanýǵa berýdi tapsyrdy.
Sondaı-aq Ońdasyn Orazalın Narımanov kóshesi boıyndaǵy kólik qoıatyn jerlerdi yńǵaılastyrý jumystarynyń barysymen de tanysty.
Atalmysh jobany júzege asyrý kólik qoıýdy retteýge jáne kólikter ótetin jerde qaýipsizdik qozǵalysyn qamtamasyz etýge múmkindik beredi. Jumystardyń barlyǵy osy aptada aıaqtalady.
"Adyrna" ulttyq portaly.
