Qazaqstannyŋ tūŋǧyş Prezidentınıŋ nemere ınısı, marqūm Bolat Nazarbaevtyŋ ūly Nūrbol Nazarbaevqa qatysty bankrottyq ısı qozǧaldy, dep habarlaidy "Adyrna" ūlttyq portaly Shishkin Like-qa sıltep.
Aqparatqa säikes, sot Nūrbol Nazarbaevtyŋ esepşottary men mülkın tūtqyndap, kompaniialardaǧy ülesterıne şekteu qoiǧan. Sondai-aq oǧan elden şyǧuǧa tyiym salyndy. Sebebı onyŋ qaryzy 58 mlrd teŋge dep körsetılgen.
Endı ol bes jyl boiy nesie ala almaidy, jeke käsıpker retınde tırkelu qūqyǧynan aiyrylady jäne ırı mämıleler men tabystary turaly habarlap otyruǧa mındettı. Qaryzyn öteu üşın onyŋ mülkı satyluy mümkın, tek jalǧyz tūrǧyn üiı men kündelıktı qajettı zattary özınde qalady.
Būǧan deiın Mäjılıs deputaty Rinat Zaiyt Nūrbol Nazarbaevtyŋ aktivterı 57 mlrd teŋge kölemınde memleket menşıgıne qaitarylǧanyn mälımdegen. Ol Bas prokuror Berık Asylovtan Nazarbaevqa tiesılı barlyq kompaniialar men mülıktı tügendeudı sūraǧan bolatyn.
Nūrbol Nazarbaev būǧan deiın de bırneşe ret reiderlık äreketterge qatysy bar dep aiyptalǧan. Käsıpker Quat Ermentaev 2019 jyly onyŋ tuystary öz ülesın Porus kompaniiasynda küşpen tartyp alǧanyn mälımdegen.
Al 2025 jyldyŋ soŋynda deputat Ermūrat Bapi būrynǧy Kamensk asyl tūqymdy zauytynyŋ jūmysşylarynan 9 myŋ gektar jerdıŋ tartyp alynǧanyn aitqan.
Deputattar sonymen bırge «Altyn orda» bazaryna qatysty tergeu jürgızudı talap etıp otyr. 2021 jyly Nūrbol Nazarbaev sol bazarǧa ielık etken kompaniianyŋ qūryltaişylarynyŋ bırı bolǧan.
BAQ mälımetınşe, Nūrbol Nazarbaevqa tiesılı kompaniialar qatarynda Prime cap – bas kompaniiasy, Prime Capital Real – Almaty oblysynda 22 nysan men 3 jer uchaskesı bar, Prime Capital Re Plaza – Almatydaǧy ekı jer uchaskesı, Prime Capital Re Ushkonyr – Şamalǧandaǧy jerler, Prime Capital Re Alakol, Prime Capital Re Talgar – Talǧar audanyndaǧy jer jäne şarap öndıru zauyty, Prime Capital Re Karasay – Üşqoŋyr men basqa da auylşaruaşylyq jerlerı, Bahar-A – Qarasai audanyndaǧy üş qabatty toihanasy, Prime Capital Invest – qarjylyq qyzmetter, Qaz-Ak-Kus – Ile audanyndaǧy qūs fabrikasy, PLS-TM jäne PLS İnvestisionno-stroitelnaia kompaniia – AZTM zauytynyŋ bır bölıgı bar.
