Nazarbaevanyŋ orny tömendegenımen, Nazarbaev kezınde baiyǧandar däuletı eselendı

Qazaqstandaǧy "ūrtynan mai aqqan" bailardyŋ jaŋa tızımı jariialandy.  2023 jyly qazaqstandyq käsıpkerlerdıŋ jalpy bailyǧy 23,9 milliard dollar bolǧan. Būl turaly "Adyrna" ūlttyq portaly Forbes.kz-ke sılteme körsete otyryp habarlady. Degenmen derekter qazaqstandyq däulettı käsıpkerlerdıŋ jalpy aktivterınıŋ tömendegenın körsetedı. Mäselen, 2022 jyly auqattylardyŋ tızımıne engenderdıŋ däuletı 25,3 milliard dollar bolǧan. Forbes Kaspi.kz aksionerı Mihail Lomtadzenı osy jyly Gruziianyŋ däulettıler tızımıne engızgen. Al byltyr qazaqstandyq pasportqa ie bolǧan Timur Turlov bailyǧyn 900 mln dollarǧa eselegen. Ol bailardyŋ tızımınde 5-orynda tūr. Forbes esebınşe, qazaqstandyq auqattylardyŋ tızımındegı jaŋa esım – Orbis Kazakhstan direktorlar keŋesınıŋ töraǧasy Farruh Mahmudov. Ol reitingtıŋ 22-ornyna jaiǧasty. Kompaniia portfoliosyna eldıŋ 12 qalasynda 33 AVTO ortalyǧy bar Orbis Auto dilerlık jelısı kıredı. Sondai-aq käsıpker «AqsaiGazServis» AQ-qa ielık etedı. Qūlybaevtar jūby bır jylda däuletterın 800 mln dollarǧa arttyrǧan. Olar 2 jäne 3-oryndaryn saqtap qaldy. Bailyǧy 590 mln dollarǧa baǧalanǧan Dariǧa Nazarbaeva 14-orynǧa tüstı. Ol öz ielıgındegı «DLS Group holdingtık kompaniiasy» JŞS arqyly «Aimaq-Media» JŞS, «A-Service Management» JŞS (Astanadaǧy 4 jūldyzdy «Duman» qonaq üiı) ülesterın iemdenıp otyr. Sondai-aq ūly Nūrali Älievpen (reitingtegı №29) bırge «Europa plius Qazaqstan» JŞS-ǧa ielık etedı. Al qazaqstandyq bailardyŋ köşbasynda Vladimir Kim tūr. Onyŋ däuletı – 4 mlrd 600 mln dollar. Ol KAZ Minerals Ltd-nyŋ 63,5%-yna, Kazakhmys Copper AQ-nyŋ 70%-yna («Qazaqmys korporasiiasy» JŞS kıredı), «Bank RBK»AQ-nyŋ 89,71%-yna ielık etedı. Eske sala ketsek, bügın Senat töraǧasy Mäulen Äşımbaev tılşılerdıŋ «Nazarbaevtyŋ tuystarynyŋ qalai baiyǧany tekserıluı kerek pe?» degen sūraǧyna jauap bergen edı.

"Adyrna" ūlttyq portaly