Bolat Nazarbaevtyń burynǵy áıeli Gúlnur sottyń sheshimimen burynǵy jubaıynyń tegin qaıtaryp aldy, dep habarlaıdy “Adyrna” ulttyq portaly Orda.kz. saıtyna silteme jasap.
Joǵarǵy sottyń azamattyq ister jónindegi sot alqasynyń sýdıasy Záýre Keıkibasova Bolat Nazarbaevtyń burynǵy áıeli Gúlnurǵa qatysty ótinish pen Almaty oblysy Jambyl aýdanynyń azamattyq hal aktilerin tirkeý bólimine túsken ótinishti qarady.
Aıta keteıik, Bolat Nazarbaev pen Gúlnur Dúısembaevanyń nekesi 2009 jylǵy 25 tamyzda Almaty oblysy Jambyl aýdanynyń AHAJ bóliminde tirkelgen. Ekeýiniń kámeletke tolmaǵan 2 balasy bar. Keıin Gúlnur kúıeýiniń tegin alǵan. Osylaısha, ol 2013 jyly jeke kýáligin, al 2018 jyly Gúlnur Nazarbaevanyń atyna tólqujat alǵan.
2021 jylǵy 18 naýryzda Qarasaı aýdandyq soty erli-zaıypty arasyndaǵy nekeni jaramsyz dep tanydy. Neke buzylǵandyqtan Bolat Nazarbaev burynǵy áıeli endi onyń tegin alýǵa quqyǵy joq dep sanap, sottan tegin ózgertý týraly akt jazbasyn joıýdy jáne Gúlnur Nazarbaevanyń qujattaryn jaramsyz dep tanýdy talap etken. Sol jyly 28 qyrkúıekte sot Nazarbaevtyń talabyn durys tep tabady.
Alaıda Almaty oblystyq soty Azamattyq ister jónindegi sot alqasy bul sheshimniń kúshin joıǵan. Osylaısha, Gúlnur burynǵy jubaıynyń tegimen qalǵan.
Bul erli-zaıyptynyń tegin aıyrbastaý máselesi nekege deıin sot ony jaramsyz dep tanyǵan kezde sheshiletini jáne jeke aryzben qaralmaıtynymen baılanysty. Biraq Bolat Nazarbaev Gúlnurdy óz teginen aıyrýǵa naqty sheshim qabyldaǵan. Nátıjesinde is Joǵarǵy sotqa deıin jetken.
“Ótinishhatta talap qoıýshynyń ókili materıaldyq jáne proestik quqyq normalaryn durys qoldanbaýyna baılanysty apellıaııalyq satydaǵy sottyń uıǵarymymen kelispeı, birinshi satydaǵy sot sheshimin kúshinde qaldyra otyryp, onyń kúshin joıýdy suraıdy”, - dep jazylǵan sottyń qujatynda.
Sýdıa Záýre Keıkibasova Joǵarǵy sot isti qaıta qaraýǵa negiz joq dep sheshim qabyldaǵan.
”Adyrna” ulttyq portaly
